YOSUA 13:8 - KITTA' MATANGKASA'

⁸ Suku Ruben siagang suku Gad kammayatompa bageruanna suku Manasye, le'ba'mi annarima bageang butta battu ri Musa, anjo atanNa Batara; iamintu butta niaka irayanganna Binanga Yordan.

YOSUA 13:8 Iomraidhean Croise

PAMMILANGNGANG 32:19

Taerokai ikambe annarima manna pole sike'de' battu ri buttana ke'nanga ri ba'leanna Binanga Yordan, lanri le'ba'mi ikambe annarima bageang anrinni, irayanganna Binanga Yordan.”

PAOLE 3:8

Anjo wattua niallei battu ri anjo ruaya karaeng Amori iamintu daera niaka ri bageang timboranna Binanga Yordan siagang Binanga Arnon sa'genna mange ri Moncong Hermon. (

YOSUA 12:1

Daera niaka ri bageang rayanganna Yordan, battu ri Ka'bung Binanga Arnon tulusu' nai' ri Ka'bung Yordan sa'genna mange ri Moncong Hermon bellana ri bageang wara', le'ba'mi nialle siagang nipammantangngi ri tu Israel. Nia' rua karaeng nabetaya ke'nanga.

YOSUA 12:6

Iaminjo rua karaeng nibetaya ri Musa siagang bansa Israel. Buttana anjo karaeng-karaenga nipassareangi ri Musa, atanNa Batara, mae ri suku Ruben, suku Gad siagang bageruanna suku Manasye, untu' a'jari butta pisakana ke'nanga.

YOSUA 13:7

Jari, kamma-kamma anne bage-bagemi anjo buttaya mae ri salapanga suku lalang ri bansa Israel, siagang mae ri bageruanna suku Manasye, sollanna a'jari butta pisakana ke'nanga.”

YOSUA 13:9

Daerana ke'nanga iamintu antamaya Aroër (ri birinna Ka'bung Binanga Arnon), siagang kota niaka ri tangnga-tangngana anjo ka'bunga. Kammayatompa sikontu daera lappara' tinggia battu ri Medeba sa'genna mange ri Dibon

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

YOSUA 4:12

Situru' siagang apa naparentakanga Musa, nipariolomi a'limbang tantarana suku Ruben, Gad siagang bageruanna suku Manasye.

1 SAMUEL 13:7

Nia' tommo a'limbang anta'leang ri ba'leanna Binanga Yordan nampa antama' ri daera Gad siagang Gilead. Saul nia' iji ri Gilgal, nannekkere' ngasemmi ra'ya' niaka ampinawangi.