YOSUA 13:25 - KITTA' MATANGKASA'

²⁵ Antamaya daerana ke'nanga iamintu Yaezer siagang sikontu kotaya ri Gilead kammayatompa bageruanna daera battua ri bansa Amon sa'genna mange ri Aroër ri rayanganna Raba;

YOSUA 13:25 Iomraidhean Croise

2 SAMUEL 11:1

Biasana wattu accu'la'na leko'-leko' kayua namaju sikamma karaenga a'bundu'. Na ri wattu accu'la'na leko'-leko' kayua anjo taunga nasuromi Daud anjo Yoab maju a'bundu' siagang ngaseng sikamma perwiraya siagang sikontu tantara Israel; nampa nabetamo ke'nanga tu Amon siagang nakurummi kota Raba. Mingka Daud ammantangi ri Yerusalem.

2 SAMUEL 12:26

Lalanna anjo wattua a'bundu' iji Yoab assiewa kota Raba, iamintu ibukotana Amon, siagang a'birimmi naalle anjo kotaya.

2 SAMUEL 24:5

Le'baki a'limbang ri Binanga Yordan, akkemami Yoab siagang ana' buana ri timboranna Aroër, iamintu se'rea kota niaka ri tangnga-tangngana ka'bung daera Gad. Battu anjorengi ke'nanga nampa a'lampa wara', mange ri Yaezer,

1 PATTOTTORANG 26:31

Pamimpinna turunganna Hebron iamintu Yeria. Ri taung makapatampulona taung pamarentahanna Karaeng Daud, disalidikimi ri sesena turunganna Hebron. Lalang ri anjo panyalidikanga a'nyatai angkanaya jai ri ke'nanga tantara-tantara kassa', ammantanga ri Yazer lalang ri daera Gilead.

1 PATTOTTORANG 6:81

Hesybon, siagang Yaezer.

YESAYA 16:8

Sikamma koko niaka ri ampi'na Hesybon siagang sikamma koko anggoro' Sibma le'ba'mi nipanraki, koko-koko biasaya a'rappo anggoro' kaminang baji' mae ri tukoasana bansa Moab siagang ansa'ringai ke'nanga. Riolo narapiki sa'genna kota Yaezer luara'na anjo koko-koko anggoroka; a'lampa anrai' narapiki sa'genna parang kassika, na bageang kalau' sa'genna ba'leanna Tamparang Matea.

YESAYA 17:2

Lanibokoimi kota-kota niaka ri Siria sa'genna satunggu-tungguna, siagang la'jari mami pammantangngang olo'-olo'; tena manna sitau lambongkai ke'nanga.

YEREMIA 48:32

Lala'biangang Kukarrukinna pandudu'na Sibma na pandudu'na Yaezer. Kota Sibma rapangi lamungang anggoro' a'la'banga mange-mange tangkenna sa'genna ri ba'leanna Tamparang Matea, kamma bellana Yaezer. Mingka kamma-kamma anne rappo-rapponna ri wattu timoroka siagang rappo anggoro'na le'ba'mi nipanraki.

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

PAMMILANGNGANG 21:32

Nampa nasuro Musa a'lampa taua mange a'boya oloang kaminang bajika untu' mange ambunduki kota Yaezer. Nampa naallemo tu Israel anjo kotaya siagang sikamma kota-kota ca'di niaka ri tammulilina, kammayatompa nabongkami tu Amori niaka ammantang anjoreng.

PAMMILANGNGANG 32:35

Atarot-Sofan, Yaezer, Yogbeha,

PAOLE 2:19

Jari battuko mange ri ampi'na buttana tu Amon, jari-jarina Lot. Teako ganggui yareka teako bunduki ke'nanga, nasaba' tena manna sike'de' battu ri anjo butta le'baka Kupassareang mae ri ke'nanga, laKupassareang mae ri kau.’ ” (

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

YOSUA 13:11

Kammayatompa antama tongi daera Gilead, daera ri tammulilina Gesur siagang Maakha, kammayatompa sikontu Moncong Hermon, siagang sikontu daera Basan sa'genna mange ri Salkha.

YOSUA 13:24

Siapa are bageang battu ri anjo butta Napa'janjianga Batara mae ri umma' Israel le'ba'mi nipassareang mae ri kaluarga-kaluarga niaka lalang ri suku Gad, untu' a'jari pisakana ke'nanga.

YOSUA 13:26

daera battua ri Hesybon sa'genna mange ri Ramat-Mizpa siagang Betonim, kammayatompa daera battua ri Mahanaim sa'genna mange ri pa'baeng-baenna Lodebar, yangasenna anjo antama tongi daera untu' suku Gad.

HAKING-HAKING 5:17

Ri wattu a'bundu' lompona Zebulon siagang Naftali ri pa'bundukanga ammantangi suku Dan ri kappala', suku Gad tuli nia'na ri timboranna Yordan nampa sannang-sannang suku Asyer tamaero' a'lette' ri tampa'na ri biring tamparang.