YOSUA 12:7 - KITTA' MATANGKASA'

⁷ Sikamma karaeng nibetaya ri Yosua siagang bansa Israel iamintu sikontu karaeng niaka ri daera bageang lau'na Binanga Yordan, battu ri Baal-Gad ri Ka'bung Libanon tulusu' sa'genna mange ri pa'moncongang A'gondoloka ri bageang timboro' ri ampi'na Edom. Anjo daera-daeraya nabage-bagei Yosua mae ri suku-suku bansa Israel untu' a'jari butta pisakana ke'nanga.

YOSUA 12:7 Iomraidhean Croise

PA'JARIANG 14:6

siagang tu Hori ri pa'monconganna Edom, nampa naondang ke'nanga mange ri El-Paran ri biring parang lompoa.

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

PA'JARIANG 36:20

Pandudu' aslina butta Edom nibagei lalang suku-suku turungang battu ri Seir, tu Hori. Anjo suku-sukua iamintu: Lotan, Syobal, Zibeon, Ana, Disyon, Ezer siagang Disyan.

PA'JARIANG 36:8

Jari anjo Esau niarenga todong Edom, ammantammi ri Daera Monconna Seir.

PAMMUJI 135:11

Sihon karaeng Amori siagang Og karaeng Basan, kammayatompa sikontu karaenga ri Kanaan.

PAOLE 2:1

Kale'bakkanna ammotere' maki' mange ri parang lompoa ammalo ri oloang mangea ri biring Tamparang Akaba, situru' Naparentakanga Batara. Salloki' alla'bang mange-mange ri daera monconna Edom.

PAOLE 2:4

Nampa Nasuroa' Batara ampauangko anne pangngunju' kammaya, ‘Tenamo nanusallo na nupantamakkimo pa'rasangang Edom, daerana sikamma sari'battannu, jari-jarina Esau. Lamallaki ke'nanga mae ri kau,

YOSUA 11:17

Luara'na anjo daeraya appakkaramulai battu ri Pa'moncongang A'gondoloka ri bageang timboro' ri ampi'na Edom, sa'genna wara' ri Baal-Gad ri Lappara' Libanon ri timboranna Moncong Hermon. Sallo sikali Yosua a'bundu' siagang sikamma karaeng niaka anjoreng ri daeraya, mingka kale'bakkanna najakkala'mi siagang nabuno ngasemmi ke'nanga.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

YOSUA 9:1

Tassiaraki anjo kabara'-kabara' pammetanna tu Israel sa'genna mae ri sikontu karaeng niaka ilaukanna Binanga Yordan, iamintu niaka ri daera pa'monconganga, ri bangkenna monconga, ri lappara' a'la'bua ri birinna Tamparang Tangngaya sa'genna mange ri Moncong Libanon bellana ri bageang wara'; kammayatompa karaeng-karaeng tu Het, tu Amori, tu Kanaan, tu Feris, tu Hewi siagang karaenna tu Yebus.