YOSUA 12:1 - KITTA' MATANGKASA'

¹ Daera niaka ri bageang rayanganna Yordan, battu ri Ka'bung Binanga Arnon tulusu' nai' ri Ka'bung Yordan sa'genna mange ri Moncong Hermon bellana ri bageang wara', le'ba'mi nialle siagang nipammantangngi ri tu Israel. Nia' rua karaeng nabetaya ke'nanga.

YOSUA 12:1 Iomraidhean Croise

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

PAMMUJI 136:21

Pa'rasanganna ke'nanga Napassareangi mae ri umma'Na; pangngamaseanNa sa'genna satunggu-tungguna;

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

YESAYA 16:2

Attayangi tu Moab ri birinna Binanga Arnon nampa lingu pitijappa-jappai, rapang jangang-jangang nibongka battu ri ru'munna.

PAMMILANGNGANG 21:13

Battu anjoreng a'lampami pole ke'nanga nampa akkema ri ba'leanna Binanga Arnon, ri parang lompo niaka ri daera Amori. Iaminjo Binanga Arnon a'jari pa'baeng-baenna daera Moab siagang daerana tu Amori.

PAMMILANGNGANG 21:21

Nampa assuro tu Israel siapa are tau mange ri Sihon, karaeng Amori, untu' ampabattui anne pasanga, angkana,

PAMMILANGNGANG 21:24

Mingka jai tu Amori nibuno ri tu Israel lalang ri anjo pa'bundukanga. Nampa niempoimo ri tu Israel daerana ke'nanga appakkaramula battu ri Binanga Arnon sa'genna mange ri Binanga Yabok, iamintu pa'baeng-baenna daera Amon, nasaba' anjo pa'baeng-baenga sanna' kassa'na pattahanganna.

PAMMILANGNGANG 32:19

Taerokai ikambe annarima manna pole sike'de' battu ri buttana ke'nanga ri ba'leanna Binanga Yordan, lanri le'ba'mi ikambe annarima bageang anrinni, irayanganna Binanga Yordan.”

PAMMILANGNGANG 32:32

Batara lampimpingi ikambe a'limbang mange ri pa'rasangang Kanaan siagang maju untu' a'bundu'; mingka anjo butta niaka irayanganna Binanga Yordan poro ikambe tuli ampatangi.”

PAMMILANGNGANG 32:33

Nampa napassareammo Musa mae ri suku Gad siagang Ruben, kammayatompa bage ruana suku Manasye sikontu daera Sihon, karaeng Amori, siagang daera Og, karaeng Basan, kammayatompa kota-kotaya siagang butta niaka ri tammulilina.

PAOLE 2:24

“Le'ba'namo nilaloi daera Moab, Nakanamo Batara ri nakke, ‘Kamma-kamma anne a'lampa mako allimbangi Binanga Arnon. LaKupassareangi mae ri kau Karaeng Sihon, iamintu karaeng Amori ammarentaya ri Hesybon, kammayatompa sikontu pa'rasanganna. Bunduki anjo karaenga, nampa nupammantangngi buttana.

PAOLE 2:32

Nabattumo Sihon siagang sikontu pasukanna untu' ambundukiki' ri ampi'na kota Yahas.

PAOLE 3:1

“Nampa a'giokki' a'lampa wara', mange ri Basan. Majumi Karaeng Og, iamintu karaeng Basan, siagang sikontu tantarana untu' ambundukiki' ri ampi'na kota Edrei.

PAOLE 4:44

Nampa napassareang Musa hukkung-hukkunNa siagang paratorang-paratoranNa Allata'ala mae ri bansa Israel.

PAOLE 4:48

Anjo buttaya tampa'na iamintu battu ri kota Aroër ri birinna Binanga Arnon, tulusu' wara' sa'genna Moncong Hermon,

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 11:17

Luara'na anjo daeraya appakkaramulai battu ri Pa'moncongang A'gondoloka ri bageang timboro' ri ampi'na Edom, sa'genna wara' ri Baal-Gad ri Lappara' Libanon ri timboranna Moncong Hermon. Sallo sikali Yosua a'bundu' siagang sikamma karaeng niaka anjoreng ri daeraya, mingka kale'bakkanna najakkala'mi siagang nabuno ngasemmi ke'nanga.

YOSUA 11:3

Nia' tommo tau nasuro mange ri tu Kanaan niaka ri bageang ilau' siagang ri bageang rayanganna Yordan, mange ri tu Amori, Het, Feris, siagang tu Yebus ri daera pa'monconganga, kammayatompa tu Hewi ri bangkenna Moncong Hermon ri daera Mizpa.

YOSUA 13:8

Suku Ruben siagang suku Gad kammayatompa bageruanna suku Manasye, le'ba'mi annarima bageang butta battu ri Musa, anjo atanNa Batara; iamintu butta niaka irayanganna Binanga Yordan.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

HAKING-HAKING 11:18

Nampa napannarrusu' jappana ke'nanga angngolo ri parang kassi'. Mingka tena nanioloi daera Edom siagang Moab, passangalinna angngalleki' agang akkuliling sa'genna battu ri rayanganna Moab, ri ba'leanna Binanga Arnon. Akkemami ke'nanga anjoreng, mingka tena nalimbangi anjo binangaya, lanri anjo daeraya antamaki ri daera Moab.