YOSUA 11:3 - KITTA' MATANGKASA'

³ Nia' tommo tau nasuro mange ri tu Kanaan niaka ri bageang ilau' siagang ri bageang rayanganna Yordan, mange ri tu Amori, Het, Feris, siagang tu Yebus ri daera pa'monconganga, kammayatompa tu Hewi ri bangkenna Moncong Hermon ri daera Mizpa.

YOSUA 11:3 Iomraidhean Croise

PA'JARIANG 31:49

Nakanamo pole Laban, “Poro Batara anjannangngiki' ilalang tallasa' sikabellainta.” Lanri kammana anjo tampaka niareng tommi Mizpa.

2 SAMUEL 24:16

Anjo malaeka'Na Batara angngeranga bala kamateang anrapi'mi mange ri tampa' panggilingang gandunna Arauna, tu Yebus. Ri wattunna Nacini' Batara angkanaya sadiami anjo malaekaka untu' amputtai Yerusalem, Napinrami Batara kaputusanNa, siagang ammari anghukkungi anjo bansaya. Nakana ri anjo malaekaka, “Ganna'mi! Ammari mako!”

2 SAMUEL 24:7

Battu anjorengi ke'nanga nampa a'lampa timboro' mange ri Tirus iamintu kota niaka pattahanganna. Situlusu'na a'lampami pole ke'nanga mange ri sikontu kotana tu Hewi siagang tu Kanaan, nampa kala'busanna mange ri Bersyeba, bageang timboranna Yehuda.

1 KARAENG-KARAENG 15:22

Le'baki anjo, sikontu tau niaka ri Yerusalem niparentakangi ri Karaeng Asa untu' angngangka' batu siagang kayu le'baka napake Baesa ri Rama untu' angkassakki anjo kotaya. Anjo bahang-bahanga napakemi Asa untu' angkassakki kota Mizpa siagang Geba, iamintu kota niaka ri daera Benyamin.

1 KARAENG-KARAENG 9:20

Untu' anjo anjama passaya, napagioki Salomo turunganna tu Amori, tu Het, tu Feris, tu Hewi siagang tu Yebus. Ia ke'nanga turungang bansa Kanaan tenaya nakkulle napila'busi nabuno tu Israel ri wattunna naempoi ke'nanga anjo pa'rasanganga. Sa'genna kamma-kamma anne turunganna ke'nanga tuli a'jari ata iji.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

KELONG MALA'BIRI' 4:8

Umba kinaung battu ri Libanon, buntingku, umba kinaung battu ri Libanon. Naungko battu ri coppo'na Amana, battu ri coppo'na Senir siagang Hermon, tampa' pammantanganna macanga siagang singaya.

YEREMIA 40:10

Ammantang mako ri kota-kota nungaia, siagang appasse're mako nummoli' anggoro', rappo-rappoang siagang minynya' zaitun. Inakke kalengku lammantanga' ri Mizpa siagang kuwakkeli ra'yaka punna battu mae anrinni tu Babel.”

YEREMIA 40:6

A'lampa' mange ri Gedalya ri Mizpa, nampa ammantang anjoreng ti tangnga-tangngana ra'ya' nibolika ri pa'rasangang Yehuda.

YEREMIA 41:14

nampa a'giling siagang lari mange ri rombonganna Yohanan.

YEREMIA 41:3

Nabuno tongi Ismael sikontu tu Yehuda niaka naagang Gedalya ri Mizpa, siagang sikontu tantara Babel sitabanga nia' anjoreng.

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

PAOLE 4:48

Anjo buttaya tampa'na iamintu battu ri kota Aroër ri birinna Binanga Arnon, tulusu' wara' sa'genna Moncong Hermon,

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

YOSUA 11:17

Luara'na anjo daeraya appakkaramulai battu ri Pa'moncongang A'gondoloka ri bageang timboro' ri ampi'na Edom, sa'genna wara' ri Baal-Gad ri Lappara' Libanon ri timboranna Moncong Hermon. Sallo sikali Yosua a'bundu' siagang sikamma karaeng niaka anjoreng ri daeraya, mingka kale'bakkanna najakkala'mi siagang nabuno ngasemmi ke'nanga.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

YOSUA 13:11

Kammayatompa antama tongi daera Gilead, daera ri tammulilina Gesur siagang Maakha, kammayatompa sikontu Moncong Hermon, siagang sikontu daera Basan sa'genna mange ri Salkha.

YOSUA 13:5

nampa daera bansa Gebal, siagang sikontu daera Libanon a'lampa anrai', battu ri Baal-Gat ri bageang timboranna Moncong Hermon, tulusu' mange ri oloang mangea ri Hamat.

YOSUA 15:63

Kota Yerusalem antama tongi kotana Yehuda, mingka takkulleai tu Yehuda nabongka tu Yebus niaka ammantang anjoreng. Sa'genna kamma-kamma anne tuli nia' iji tu Yebus sipammantangngang siagang tu Yehuda ri anjo kotaya.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.

HAKING-HAKING 21:5

Nampa nasalidiki ke'nanga, apaka nia' battu ri suku-suku bansa Israel tamangea asse're andallekang mae ri Batara ri Mizpa pirangalloang. (Anjo wattua le'ba'mi assumpa ke'nanga angkanaya tau tenaya nabattu ri pakkiokanga mange ri Mizpa musti nihukkung matei).

HAKING-HAKING 21:8

Jari nasalidikimi ke'nanga apaka nia' se're golongang battu ri suku bansana Israel tena na'lampa asse're ri Mizpa. Na nagappamo ke'nanga angkanaya battu ri tu Yabesh ri Gilead, tena manna sitau a'lampa mange ri Mizpa.

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

HAKING-HAKING 3:5

Iaminjo saba'na natuli nia' ijapa tu Kanaan, tu Het, tu Amori, tu Feris, tu Hewi siagang Yebus ammantang ri anjo pa'rasanganga sipammantangang siagang umma' Israel.

1 SAMUEL 10:17

Nakio'mi Samuel sikontu ra'ya' Israel sollanna a'rappungang ri Mizpa.