YOSUA 11:12 - KITTA' MATANGKASA'

¹² Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.

YOSUA 11:12 Iomraidhean Croise

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

PAOLE 9:3

Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

YOSUA 10:20

Nabunomi Yosua siagang tu Israel tu Amoria, mingka nia' todong ri ke'nanga lari mange ri kotana ke'nanga, sa'genna tena nibunoi.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 10:30

Nisare tommi pammetang tu Israel ri Batara mange ri anjo kotaya siagang karaenna. Tena manna sitau nilappassang attallasa'; sikontu tau niaka ri anjo kotaya nibuno ngasengi. Nagaukammi Yosua mae ri anjo karaeng Libna sangkamma apa le'baka nagaukang mae ri karaeng Yerikho.

YOSUA 10:32

Nisaremi pammetang ri Batara tu Israel mae ri Lakhis lalang pa'bundukang ri allo makaruaya. Apa nagaukang ke'nanga ri Libna, kamma tomminjo nagaukang ke'nanga ri Lakhis; tena manna sitau nilappassang attallasa', yangasenna nibunoi.

YOSUA 10:35

Ia memanji anjo alloa nanaalle Eglon, siagang nabuno sikontu tau niaka anjoreng sangkamma nagaukanga ke'nanga ri Lakhis.

YOSUA 10:37

siagang naalle anjo kotaya. Nabunomi karaenna siagang sikamma tau niaka anjoreng ri kotaya kammayatompa ri kota-kota maraenga ia niaka ri tammulilina. Naancuru' taba sikalimi Yosua anjo kotaya sangkamma nagaukanga mae ri kota Eglon. Tena manna sitau nalappassang attallasa' anjoreng.

YOSUA 11:13

Mingka kota-kota nibangunga irate ri rumbangnganga, tena manna se're natunu tu Israel, pantaranganna kota Hazor nitunua ri kalenna Yosua.

YOSUA 11:15

Sikontu apa Naparentakanga Batara mae ri Musa, atanNa, le'ba'mi napabattu Musa mae ri Yosua, siagang nagaukammi Yosua; tena manna se're tanagaukang.

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

YOSUA 8:31

Napareki anjo tampa' pakkoro'bangnganga situru' pitunju'-pitunju' niaka lalang ri Kitta'na Musa, anjo atanNa Batara, mae ri tu Israel. Kammaminne anjo pitunjuka: “Se're tampa' pakkoro'bangngang nipareka battu ri batu-batu tenayapa nale'ba' nijama siagang pakkakasa'-pakkakasa' bassi.” Irate ri anjo tampa' pakkoro'bangnganga assare koro'bang tu Israel mae ri Batara, iamintu: koro'bang nitunu siagang koro'bang passiamakkanna ke'nanga.

YOSUA 8:8

Punna nupantamakkimi, tunumi anjo kotaya, situru' apa Naparentakanga Batara. Iaminjo tugasa'nu ngaseng.”

YOSUA 9:24

Appialimi ke'nanga angkana, “Nappakamma anjo ikambe lanri nalangngere'namo ikambe angkanaya anjo Karaeng Allata'ala kisombaya le'ba'mi Nasuro Musa, anjo atanNa, ampassareangi mae ri katte sikontu anne pa'rasanganga siagang ambunoi sikontu pandudu'na ri wattunna kialle anjo buttaya. Malla' dudumi ikambe angkana gassingka kibunoi ikambe; iaminjo saba'na nanagaukang ikambe sikammaya anne.