YOSUA 10:6 - KITTA' MATANGKASA'

⁶ Nakirimmi tu Gibeon anne kabaraka mange ri Yosua ri pakkemaang Gilgal, angkana, “Teaki' balang parekangi kale-kalenna ikambe karaeng! Battu maki' linta' ambantui ikambe, nasaba' asse'remi tantara battua ri sikontu karaeng Amori ri daera pa'monconganga untu' angngewai ikambe!”

YOSUA 10:6 Iomraidhean Croise

2 KARAENG-KARAENG 4:24

Le'baki napataba pa'lapa'na keledaia, nakanamo ri palayanna, “Palari anne keledaia nukkaro-karo; teako pammari akkaro-karo punna tena kusuroko.”

PAMMUJI 125:2

Sanrapang moncong-moncong alla'langi Yerusalem, kammaminjo bateNa Batara alla'langi umma'Na anne kamma siagang satunggu-tungguna.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

LUKAS 1:39

Le'baki anjo, a'lampami linta' Maria mange ri se'reang kota ri pa'rasangang Yudea, rate buluka.

PAOLE 1:15

Lanri kammana minjo nabattu ri sikamma anjo pamimping le'baka nupile, nia'mo siapa are jaina tucara'de' siagang tuniaka pangalamanna kualle nampa kuangka' untu' angkapalaiko. Nia' siapa are nipa'jari pamimping mae ri sisa'bua tau, nia' a'jari pamimping mae ri sibilangngang tau, siagang nia' todong a'jari pamimping mae ri sampulo tau. Nia' tommo kuangka' siapa are pamimping maraeng untu' angngurusuki massing suku-sukunu.

YOSUA 10:5

Jari asse'remi anjo limaya karaeng Amori, iamintu karaeng Yerusalem, Hebron, Yarmut, Lakhis siagang Eglon, nampa a'lampa ke'nanga siagang sikontu tantarana ke'nanga allipungi siagang ambunduki Gibeon.

YOSUA 10:7

Nampa Yosua siagang sikontu tantarana, kammayatompa pasukang-pasukang kaminang baji'na, a'lampami battu ri Gilgal untu' mange a'bundu'.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.

YOSUA 9:15

Appare'mi Yosua parjanjiang passari'battangang siagang anjo tu Gibeon, siagang a'janjimi angkanaya tena nalanabuno ke'nanga. Kammayatompa sikamma pamimpinna umma' Israel, assumpa tommi angkanaya lanarupai anjo parjanjianga.

YOSUA 9:6

Kammaminjo kaadaanna ke'nanga na'lampa mange ri Yosua niaka ri pakkemaang ri Gilgal. Nampa nakana ke'nanga mae ri Yosua siagang tu Israel, “Ikambe anne battui ri pa'rasangang bellaya, ero' appare' parjanjiang siagang ikatte ngaseng karaeng.”

YOSUA 9:8

Angkanami ke'nanga, “Manna apa kipassuroang ri kambe, tena tarellana pa'mai'na ikambe anggaukangi.” Akkuta'nammi Yosua ri ke'nanga angkana, “Inai ngasengko antu? Battu ri pa'rasangang kemaeko?”