YOSUA 10:3 - KITTA' MATANGKASA'

³ Lanri kammana anjo nia'mo tau nasuro Adoni-Zedek mange ri Karaeng Hoham ri Hebron, Karaeng Piream ri Yarmut, Karaeng Yafia ri Lakhis, siagang Karaeng Debir ri Eglon, ampabattui anne pasanga,

YOSUA 10:3 Iomraidhean Croise

PA'JARIANG 23:2

matemi ri Hebron ri butta Kanaan. Si'na sikalimi pa'mai'na Abraham siagang nakarrukimi anjo kamateanna bainenna.

PA'JARIANG 37:14

Nakanamo manggena, “Ciniki antekamma kaadaanna sikamma daennu siagang bembeta kammayatompa gimbalatta, nampa ammoterekko mae ri nakke ampauanga'.” Nalappassammi a'lampa Yusuf, ambokoi lappara'na Hebron. Tena nasallo, battumi Yusuf mange ri Sikhem.

2 SAMUEL 2:11

siagang ammarentammi Daud ri Hebron mae ri tu Yehuda tuju sitangnga taung sallona.

2 KARAENG-KARAENG 18:14

Jari akkirimmi Hizkia mange ri Sanherib niaka ri Lakhis, kabara' kammaya anne, “Inakke salama'. Lanri kammana anjo, kupalaki ri katte poro kipamari lalomi ambunduki anne ikambe. Sikontu pappalatta lakuturukiangki'.” Appialimi Hizkia angkanaya musti akkiringi Hizkia mae ri ia 10.000 kilogarang pera', siagang 1.000 kilogarang bulaeng.

2 KARAENG-KARAENG 18:17

Mingka anjo karaeng Asyur akkiringi battu ri Lakhis pasukang lompo untu' ambunduki Yerusalem. Anjo pasukanga nipimpingi ri tallu perwira tinggia pangka'na, iamintu sitau panglima, sitau paurusu' inungang, siagang sitau kapala pangawala'na karaenga. Ri wattunna battu ke'nanga mange anjoreng ri kotaya, angngallemi ke'nanga tampa' ri kokoa, iamintu niarenga Koko Penatu ri ampi'na solongang a'lo'loroka battu ri balang bageang iratea.

2 PATTOTTORANG 11:9

Adoraim, Lakhis, Azeka,

YEREMIA 34:7

ri wattunna sitabang pasukanna karaeng Babel nia' battu ambunduki anjo kotaya. Nabunduki tongi ke'nanga kota Lakhis siagang Aseka, ruaya kota ammakea pattahangngang, attahanga ija ri Yehuda.

MIKHA 1:13

Ikau ngaseng pandudu'na Lakhis, patabami jaranga ri kareta bunduka! Nupalembai dosa-dosa nigaukanga ri Israel sa'genna doraka tommo Yerusalem napakamma.

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

YOSUA 10:1

Nalangngere' kabara'mi Adoni-Zedek, iamintu karaenga ri Yerusalem, angkanaya le'ba'mi nabeta siagang naancuru' taba sikali Yosua kota Ai, kammayatompa nabunoi karaenna sangkamma le'baka nagaukang mae ri Yerikho siagang karaenna. Nalangngere' tommi kabara'na angkanaya le'ba'mi tu Gibeon appare' parjanjiang passari'battangngang siagang tu Israel kammayatompa ammantammi ri tangnga-tangngana ke'nanga.

YOSUA 10:23

Nisungkemi anjo kali'bong batua, nampa nierang assulu' karaeng-karaeng Yerusalem, Hebron, Yarmut, Lakhis siagang Eglon,

YOSUA 10:34

Le'baki anjo, majumi Yosua siagang tantarana battu ri Lakhis mange ri Eglon, nampa nalipung siagang nabunduki anjo kotaya.

YOSUA 10:5

Jari asse'remi anjo limaya karaeng Amori, iamintu karaeng Yerusalem, Hebron, Yarmut, Lakhis siagang Eglon, nampa a'lampa ke'nanga siagang sikontu tantarana ke'nanga allipungi siagang ambunduki Gibeon.

YOSUA 14:15

Riolo anjo Hebron niarengi Arba. (Arba iamintu tau Kaminang Lompoa pakkaleanna ri sikontu bansa Enak.) Na amang siagang salewangammo anjo pa'rasanganga, tena nanisusai ri pa'bundukang.

YOSUA 15:63

Kota Yerusalem antama tongi kotana Yehuda, mingka takkulleai tu Yehuda nabongka tu Yebus niaka ammantang anjoreng. Sa'genna kamma-kamma anne tuli nia' iji tu Yebus sipammantangngang siagang tu Yehuda ri anjo kotaya.