YOSUA 10:13 - KITTA' MATANGKASA'

¹³ Jari ammantammi mataalloa siagang ta'lettekami bulanga sa'genna le'ba' tu Israel ambetai sikamma musu-musunna. Anne kajarianga niaki tattulisi' lalang ri Kitta' Yasar. Siallo bujuru' ammantang alloa ri tangnga-tangngana langika, siagang sallo sikali nampa labu.

YOSUA 10:13 Iomraidhean Croise

2 SAMUEL 1:18

siagang naparentakangi sollanna nipangngajarrang anne kelonga mae ri suku Yehuda. (Anne kelonga niaki tattulisi' lalang ri Kitta' Yasar.)

2 KARAENG-KARAENG 20:10

Nakanamo Hizkia, “Tenaja nasusa ampamajui 10 garisi' taun-taunna anjo pa'jo'joka. Lanri kammana anjo paunduru'mi 10 garisi'.”

ESTER 8:13

Anjo sura' parentaya musti nipasuluki a'jari undang-undang, nampa nipa'la'bang mange ri sikontu tau niaka ri sikontu propinsia, sollanna sadia ngaseng tu Yahudia untu' angngewai musunna punna battu anjo alloa.

AYUB 9:7

Akkullei Napisangkai Allata'ala ammumba alloa ri wattu bari'basa', na Natanakellaia assioro' sikamma bintoenga ri wattu bangngi.

PAMMUJI 148:3

Pujimi, he mataallo siagang bulanga, pujimi, he sikamma bintoeng accillaka!

PAMMUJI 19:4

Tena a'bicara yareka akkana-kana, tena sa'ra kalangngerang.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 38:8

Anjo taun-taunna mataalloa untu' a'jari pannanrai wattu bate pare'na Ahas, lammunduruki taun-taunga sa'genna sampulo garisi'.” Jari ammunduru'mi anjo taun-taunga sampulo garisi'.

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

YO"EL 3:15

Mataalloa siagang bulanga a'jari sassanga siagang bintoenga tenamo naccaya.”

HABAKUK 3:11

Cayana panaTa ta'buccu' sarring, pokeTa accilla'-cilla' nicini', nammarimo alloa siagang bulanga ri tampa'na.

PAMMILANGNGANG 21:14

Iaminjo saba'na nania' tattulisi' lalang ri ‘Kitta' Pa'bundukanna Batara’ angkanaya: “… Desa Waheb, ri daera Sufa siagang ka'bung-ka'bunna; Binanga Arnon

PAMMILANGNGANG 31:2

“A'balasakko mae ri tu Midian lanri apa le'baka nagaukang ke'nanga mae ri bansa Israel. Punna le'baki anjo lamate mako.”

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

LAMPA-LAMPANA 2:20

La'jari sassangi alloa, la'jari ejai bulanga sangkamma cera' ri tenanapa nabattu AllonNa Batara, iamintu allo malompoa siagang mala'birika.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

YOSUA 10:14

Tale'bakai kajariang siagang tena le'bakai lakajariang se'rea allo kamma anjo, angkanaya napinawangi Batara ero'na rupataua. Niaki Batara angngagangi tu Israel a'bundu'!

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

PAPPICINI' 6:12

Nampa Nareppe' kucini' anjo Ana' Gimbalaka segele' makaannanga. Ta'ge'goso' sanna'mi linoa. A'jari le'lemmi matanna alloa sangkamma kaeng le'leng kasaraka; kammayatompa a'jari ejami bulanga sangkamma cera'.

PAPPICINI' 8:12

Nampa napasa'ra tarompe'na malaeka' makaappaka. Natattunrummo bage talluna mataalloa, bage talluna bulanga, kammayatompa bage talluna sikontu bintoenga; sa'genna tappela'mi bage talluna cayana ke'nanga. Kammayatompa bage talluna singaraka tenamo nasingara' siagang kamma tomminjo bage talluna bangngia.

HAKING-HAKING 16:28

Anjo wattua appala' doammi Simson. Nakana, “O Batara Kaminang Tinggia, poro Kiu'rangi laloa'. Kisare laloa' pole kagassingang anne sikalia, o Allata'ala, sollanna lalang kammana anne akkullei kubalasa' tu Filistin le'baka ampasuluki lisere' matangku”.

HAKING-HAKING 5:2

Pujimi Batara pahlawang-pahlawanna tu Israel, nasaba' assumanga'mi untu' barjuang, na rellamo ra'yaka mange a'bundu'.