YOSUA 10:10 - KITTA' MATANGKASA'

¹⁰ Nipa'jari lingumi ri Batara anjo tu Amoria ri wattunna nacini' ke'nanga tantara Israel. Jai tu Amori nibuno ri Gibeon, siagang anjo attallasaka ija niondangi naung ri pungku'na monconga ri Bet-Horon sa'genna mange ri Azeka siagang Makeda bellana patimboro'na.

YOSUA 10:10 Iomraidhean Croise

2 SAMUEL 22:15

Napatembaki sikamma ana' panaNa, na Napasimbung-simbung sikamma musunNa. Appabattui ma'mole-mole kila' na Napalari kabusu' ke'nanga.

1 KARAENG-KARAENG 9:17

Nampa Salomo ambangungi ammotere' anjo kotaya.) Napajama passa tongi taua Salomo ambangungi ammotere' Bet-Horon-Hilir,

2 PATTOTTORANG 14:12

Nampa majumo Asa siagang tantara Yehuda ambunduki tantara Sudan. Nabetami Batara anjo tantara Sudan sa'genna lari kabusu'mo ke'nanga.

2 PATTOTTORANG 25:13

Lalanna anjo wattua, anjo tantara Israel nisuroamo ammotere' ri Amazia, siagang tenaya nipa'biangi amminawang a'bundu', nabundukimi kota-kota niaka ri alla'na Yehuda siagang Samaria kammayatompa Bet-Horon. Nia' 3.000 tau nabuno ke'nanga siagang jai barang-barang narampasa' ke'nanga.

PAMMUJI 18:14

Nampa a'gunturu' Batara battu ri allaka; Kaminang Tinggia Napappilangngerangi sa'ranNa.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

YESAYA 28:21

Lammentengi Batara sangkamma ri Moncong Perazim. Laberjuangi sangkamma ri Lappara' Gibeon untu' anggaukangi pattujunNa, iamintu pattujuang appakalannasaka mae ri rupataua! LaNagaukangi jama-jamanNa appakalannasaka.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YEREMIA 34:7

ri wattunna sitabang pasukanna karaeng Babel nia' battu ambunduki anjo kotaya. Nabunduki tongi ke'nanga kota Lakhis siagang Aseka, ruaya kota ammakea pattahangngang, attahanga ija ri Yehuda.

ZAKHARIA 14:3

Nampa lamaju Batara untu' a'bundu' angngewai anjo bansa-bansaya, sangkamma le'baka Nagaukang ri jammang riolo.

PAOLE 7:23

Kammaminjo bateNa Karaeng Allata'alanu lampassareangi musu-musunnu mae ri kau. LaNapasimbung-simbungi ke'nanga sa'genna ancuru' ke'nanga.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 10:9

Sipattangi bujuru' Yosua siagang pasukanna a'gio' battu ri Gilgal mange ri Gibeon, nampa nabunduki silalonna tu Amori.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

YOSUA 16:3

Battu anjoreng anjo garisika a'lampa kalauki ri daerana golongang Yaflet, sa'genna mange ri Bet-Horon-Hilir, tulusu' mange ri Gezer, nampa kala'busang ri Tamparang Tangngaya.

YOSUA 16:5

Iaminne pa'baeng-baenna butta nipassareanga mae ri kaluarga-kaluarga niaka lalang ri suku Efraim. Ri bageang iraya, garisi' pa'baeng-baenna buttana ke'nanga appakkaramulai battu ri Atarot-Adar sa'genna mange ri Bet-Horon-Hulu,

HAKING-HAKING 4:15

Nampa nabunduki Sisera. Na nipa'jari kacomo ri Batara anjo tantarana Sisera siagang kareta-kareta bundu'na. Sa'genna naummi Sisera battu ri kareta bundu'na, nampa lari a'jappa bangkeng.

HAKING-HAKING 4:16

Naondammi Barak anjo kareta-kareta bunduka siagang tantara musua sa'genna mange ri Haroset-Hagoyim. Nampa nabuno ngaseng sikontu tantarana Sisera. Tena manna sitau nalappasang attallasa'.

HAKING-HAKING 5:20

Manna olo'-olo' amminawang ngaseng barjuang angngewai Sisera, irate ri panri'bakanna ri alla'na langika.

1 SAMUEL 13:18

Sipa'rappungang makaruaya a'lampa mangei ri Bet-Horon, siagang sipa'rappungang maraengannaya pole a'lampa mangei ri pa'baeng-baeng a'dalle' mangea ri Lappara' Zeboim siagang ri parang lompoa.

1 SAMUEL 17:1

Ri se'reang wattu napagioki tantarana tu Filistin untu' maju mange a'bundu'. Naatoro'mi barisi'na ke'nanga ri kota Sokho, ri daera Yehuda, nampa appare' kema ri alla'na Sokho siagang Azeka, ri ampi'na Efes-Damim.