YOSUA 1:6 - KITTA' MATANGKASA'

⁶ Paralluko tappa' siagang barani, nasaba' ikau lampimpingi anne bansaya ri wattunna napantamakki ke'nanga pa'rasangang Kupa'janjianga mae ri boe-boena ke'nanga.

YOSUA 1:6 Iomraidhean Croise

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

2 SAMUEL 10:12

Pakajarreki nyawanu. Umba kibarjuang siagang barani untu' bansata siagang untu' kota-kotaNa Allata'alata. Dasi-dasi naNagaukang Batara apa Nakaerokia.”

1 KARAENG-KARAENG 2:2

“Narapi'mi wattungku lamate. Paralluko tappa' siagang barani.

1 PATTOTTORANG 22:13

Punna nuturuki sikontu hukkung Napassareanga Batara ri Musa untu' bansa Israel, la'wasselekko. Paralluko matappa' siagang barani. Teako mallakki andallekangi manna pole apa mamo.

1 PATTOTTORANG 28:10

U'rangi baji'-baji' angkanaya le'ba' mako Napile untu' ambangung balla' untu' KalenNa. Jari, kamma-kamma anne gaukammi anjo, na nupatterassang ero'nu.”

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

2 PATTOTTORANG 15:7

Mingka ikau ngaseng, musti nupakajarreki pa'mai'nu siagang musti baraniko. Lania' wassele'na usahanu.”

2 PATTOTTORANG 20:11

Kamma-kamma anne, kammami anne panggaukanna anjo bansa-bansaya mae ri kambe. Eroki ke'nanga ambongkai ikambe battu ri anne pa'rasangang Kipassareanga mae ri kambe.

2 PATTOTTORANG 20:7

IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

DANIEL 10:19

Nakanamo, “Nakamaseangko Allata'ala; lanri kammana anjo tea' mako lussakki yareka tea' mako mallakki, gassingi kalennu!” Lalang napauna anjo kammaya, pila' gassimmi kusa'ring kalengku, nampa kukanamo, “A'bicara maki', karaeng. Kitambaimi kagassingangku kusa'ring.”

HAGAI 2:4

Mingka teako tappu' panrannuangngi, he ikau ngaseng! Patulusuki anjo jama-jamanga, nasaba' iNakke tuli lambantu ngasengko.

ZAKHARIA 8:9

Nakana Batara mae ri umma'Na, “Pakajarreki pa'mai'nu! Kamma-kamma anne nulangngereki kana-kana ia le'baka todong napau sikamma na'bia ri wattu nipadongko'na batu pundasia, untu' ambangungi BallakKu ammotere'.

PAMMILANGNGANG 26:53

“Bagei anjo buttaya mae ri suku-suku bansa Israel situru' kalompoanna massing sukua.

PAMMILANGNGANG 33:53

Anjo buttaya musti nuallei siagang nuempoi, nasaba' le'ba'mi Kupassareang mae ri kau.

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 11:8

“Turuki sikontu hukkung kupabattua mae ri kau anne alloa, sollanna nukkulle allimbangi binangaya siagang antama' ri pa'rasangang tenayamo nasallo nanupammantangngi.

PAOLE 31:23

Nampa Nakana Batara mae ri Yosua, ana'na Nun, “Paralluko majarre' pa'mai' siagang barani Yosua! Ikau lampimpingi bansa Israel ampatamakki pa'rasangang Kupa'janjianga mae ri ke'nanga, siagang iNakke lantulungko.”

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.

YOSUA 1:18

Inai-nai taeroka mannuruki ri kakoasannu, yareka taeroka mannuruki ri parentanu, lanihukkung matei. Paralluko tappa' siagang barani!”

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

YOSUA 10:25

Le'baki anjo nakanamo Yosua mae ri sikamma perwiraya, “Teako lussakki siagang teako mallakki. Paralluko tappa' siagang barani, nasaba' kammaminne caraNa Batara langgauki sikontu musunnu.”

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

YOSUA 18:3

Jari nakanamo Yosua mae ri umma' Israel, “Siapapi sallonu lattayang ngaseng, nampa a'lampako mange angngallei daera Napassareanga Batara, Allata'alana boe-boenu mae ri kau?

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.

1 SAMUEL 4:9

Pa'baraniangi nyawanu, ikau tu Filistin! A'bundu' mako sangkamma bura'ne. Punna tena, lanapa'jariko ata anjo tu Ibrania, sangkamma ke'nanga riolo a'jari atai mae ri kau ngaseng. Lanri kammana, a'bundu' mako siagang barani!”