YOSUA 1:2 - KITTA' MATANGKASA'

² Nakana Batara, “Matemi atangKu Musa. Jari baji'mi punna apparuru mako siagang sikontu umma' Israel kamma-kamma anne, untu' a'limbang ri Binanga Yordan, siagang ampantamakki pa'rasangang Kupassareanga mae ri ke'nanga.

YOSUA 1:2 Iomraidhean Croise

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

NEHEMIA 9:23

Kipa'jari turunganna ke'nanga sanrapang bintoeng ri langi' jaina, Kisarei butta ke'nanga untu' napammantangngi, butta le'baka Kipa'janjiang ri boena ke'nanga.

AYUB 1:8

Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

PAMMILANGNGANG 12:7

Mingka tena nakamma anjo mae ri atangKu Musa. Iami tau majarre' pa'maika ri alla'na ummakKu.

PAOLE 3:28

Ajara'mi siagang saremi pangngunju' Yosua. Pakajarreki pa'mai'na, nasaba' iami lampimpingi anjo bansaya untu' a'limbang siagang angngallei anjo pa'rasangang nucinika.’

PAOLE 31:7

Nampa nakio' Musa anjo Yosua, siagang ri dallekanna sikontu bansa Israel nakanamo ri Yosua, “Paralluko majarre' pa'mai' siagang barani, Yosua! Ikau lampimpingi anne bansaya untu' ampammantangngi pa'rasangang Napa'janjianga Batara mae ri boe-boena ke'nanga.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.

YOSUA 1:1

Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.

YOSUA 1:11

sollanna a'lampa ke'nanga akkuliling ri sikontu pakkemaanna umma' Israel siagang napabattu anne parentaya angkana, “Appasadiako bokong, nasaba' tallungallo mami numusti a'limbang ri Binanga Yordan untu' ampantamakki pa'rasangang Napassareanga Karaeng Allata'alanu mae ri kau.”