YOSUA 1:17 - KITTA' MATANGKASA'

¹⁷ Lamannuruki ikambe mae ri kau, sangkamma todong tuli mannurukinna ikambe mae ri Musa. Dasi-dasi naNarurungangko Karaeng Allata'alanu sangkamma todong Narurunganna Musa!

YOSUA 1:17 Iomraidhean Croise

2 SAMUEL 14:17

Tappaki atanta angkanaya anjo janjinna karaengku lanatanggongi kasalamakkanna atanta lanri ikatte rapangki' malaeka'Na Allata'ala, akkullea angngassengi apa bajika siagang apa ja'dalaka. Dasi-dasi naNarurungangki' Karaeng Allata'ala!”

1 KARAENG-KARAENG 1:37

Antekamma bateNa Batara le'ba' anrurungangki', poro Iatommi anrurungangi Salomo. Tapporo Batara ampa'jari la'bi poreangngangi pamarentahanna na pamarentahanta.”

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

PAMMUJI 20:1

Untu' pamimping pakelong. Pammujina Daud.

PAMMUJI 20:4

Poro Nau'rangi ngasengi sikontu passarenu, na sannang ri sikamma koro'bang nitununu.

PAMMUJI 20:9

Latatto'roi ke'nanga na tu'guru' mingka ikatte lambangungki' nai' ammenteng kassa'.

PAMMILANGNGANG 27:18

Nakanamo Batara mae ri Musa, “Kioki Yosua, ana'na Nun. Anjo taua cara'deki. Padongkoki limannu irate ri tompo' ulunna.

PAMMILANGNGANG 27:20

Passareangi sipa'gang mae ri ia kakoasannu, sollanna mannuruki umma' Israel mae ri ia.

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”

PAOLE 34:9

Yosua ana'na Nun nisarei kacara'dekang ri Batara lanri iami le'ba' nijo'jo' ri Musa a'jari sambenna. Mannuruki bansa Israel mae ri Yosua siagang napajappami parenta-parenta Napassareanga Batara mae ri ke'nanga tete ri Musa.

YOSUA 1:16

Jari appialimi suku Ruben, Gad siagang bageruanna suku Manasye, angkana, “Apa-apa mamo nuparentakang mae ri kambe, tena tanagaukanna ikambe; siagang manna kemae nusuro a'lampa ikambe, tena ta'lampana ikambe.

YOSUA 1:18

Inai-nai taeroka mannuruki ri kakoasannu, yareka taeroka mannuruki ri parentanu, lanihukkung matei. Paralluko tappa' siagang barani!”

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

YOSUA 4:14

Anjo alloa Nagaukangi Batara sikamma gau' malompoa sa'genna anjo bansa Israel napakalompomi Yosua salaku tau malompo. Nipakalompomi Yosua ri ke'nanga lalang sikontu tallasa'na, sangkamma nipakalompona Musa ri ke'nanga.

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”

1 SAMUEL 20:13

Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.