YOSUA 1:15 - KITTA' MATANGKASA'

¹⁵ Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 1:15 Iomraidhean Croise

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

1 KORINTUS 13:5

Tena naborro, tena na'gau' takamma-kamma; tena napassai taua amboyangi kaparalluang kalenna bawang, tena nalinta' kasi'rikang, siagang tena napammoli'-molikangi punna nia' tau sala ri kalenna.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

PAOLE 3:18

Anjo memang wattua kusaremi ke'nanga parenta kammaya anne: Nasareko Karaeng Allata'alanu daera rayanganna Binanga Yordan untu' a'jari pammantangngannu. Mingka sikontu tantaranu musti angngerangi sanjata nampa a'limbang ri Binanga Yordan ri dallekanna suku-suku Israel maraenga.

PAOLE 3:20

Bantui julu bansanu sa'genna napammantangngi ke'nanga butta laNapassareanga Karaeng Allata'alanu mae ri ke'nanga ri laukanna Binanga Yordan; kammayatompa sa'genna nisare pangngellai ke'nanga attallasa' siagang amang anjoreng, sangkamma Nagaukanga Batara anrinni mae ri kau. Le'bappi anjo kammaya nampako akkulle ammotere' mae ri butta le'baka kupassareang mae ri kau.

PAOLE 9:1

“Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.

FILIPI 2:4

Parhatikangi kaparalluanna tau maraenga; teako kaparalluang kalennu bawang nuparhatikang.

YOSUA 1:1

Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.

YOSUA 1:14

Sikontu ana'nu, bainennu, siagang olo'-olo'nu akkullei ammantang anrinni, mingka sikontu tantaranu musti sadiai untu' a'bundu' a'jappa riolo ri dallekanna tu Israel maraengannaya a'limbang ri Binanga Yordan.

YOSUA 1:16

Jari appialimi suku Ruben, Gad siagang bageruanna suku Manasye, angkana, “Apa-apa mamo nuparentakang mae ri kambe, tena tanagaukanna ikambe; siagang manna kemae nusuro a'lampa ikambe, tena ta'lampana ikambe.

YOSUA 22:1

Nampa nakio' Yosua tau battua ri suku Ruben, suku Gad siagang suku Manasye bageang rayaya,