YOSUA 1:1 - KITTA' MATANGKASA'

¹ Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.

YOSUA 1:1 Iomraidhean Croise

1 KARAENG-KARAENG 19:16

Gaukang tommi anjo kammaya mae ri Yehu ana'na Nimsi, sollanna a'jari karaeng Israel. Kammayatompa Elisa ana'na Safat battu ri Abel-Mehola, sollanna a'jari na'bi ansambeangko.

2 KARAENG-KARAENG 3:11

Akkuta'nammi Karaeng Yosafat angkana, “Apaka tena anrinni na'bi akkulle akkuta'nang ri Batara untu' ikatte ngaseng?” Nia'mo kalase'renna perwira appiali angkana, “Nia', iamintu Elisa ana'na Safat! Ia riolo pambantuna Na'bi Elia.”

NEHEMIA 8:17

Sikontu anjo ra'ya' ammotereka battu ri pa'rasangang pammelakkanga appare' ngasengi anjo balla'-ballaka, nampa ammantang ke'nanga anjoreng. Iaminne uru-uruna nigaukang appakkaramula ri jammanna Yosua ana'na Nun, nasanna' ngasemmo sungguna siagang sannanna nyawana ke'nanga.

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

PAMMILANGNGANG 11:28

Nakanamo Yosua ana'na Nun, ia ambantuai Musa appakaramula ri wattu rungkana, ri Musa, “Suroi anjo ke'nanga ammari, bapa'!”

PAMMILANGNGANG 12:7

Mingka tena nakamma anjo mae ri atangKu Musa. Iami tau majarre' pa'maika ri alla'na ummakKu.

PAMMILANGNGANG 13:16

Iaminjo mata-mata nisuroa ri Musa mange ammata-matai anjo pa'rasanganga. Hosea ana'na Nun nisambei arenna ri Musa a'jari Yosua.

LUKAS 16:10

Inai-nai akkulle nipatappa' ri passala' apa ca'di-ca'dia iami akkulle tongi nipatappa' ri passala' apa-apa lompoanganga. Mingka inai-nai takkullea nipatappa' ri passala' apa ca'di-ca'dia, takkullea tongi nipatappa' ri passala' apa-apa lompoanganga.

LAMPA-LAMPANA 7:45

Nampa naerang boe-boeta siagang Yosua anjo pa'balla'-ballakanNa Allata'ala ri wattunna a'lampa ke'nanga ambunduki nampa naalle ke'nanga anne pa'rasanganga battu ri kakoasanna bansa-bansa nibongkaya ri Allata'ala battu ri dallekanna ke'nanga. Niaki anjoreng anjo pa'balla'-ballakanNa Allata'ala sa'genna jammang pamarentahanna Daud.

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

PAOLE 1:38

Mingka pakajarreki nyawana pambantunu, iamintu Yosua ana'na Nun. Iami lampimpingi tu Israel langngallei anjo buttaya.’

PAOLE 31:23

Nampa Nakana Batara mae ri Yosua, ana'na Nun, “Paralluko majarre' pa'mai' siagang barani Yosua! Ikau lampimpingi bansa Israel ampatamakki pa'rasangang Kupa'janjianga mae ri ke'nanga, siagang iNakke lantulungko.”

PAOLE 31:3

KalenNa Karaeng Allata'alanu la'jappa ri dallekannu siagang ampanraki bansa-bansa ammantangnga anjoreng, sa'genna akkulle nupammantangngi buttana ke'nanga. Yosua la'jari pamimpinnu, sangkamma le'baka Napau Batara.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

PAOLE 34:12

Tena anggaukangi panggaukang-panggaukang hebaka siagang lompo sangkammaya nagaukanga Musa ri dallekanna sikontu bansa Israel.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.

PAOLE 34:9

Yosua ana'na Nun nisarei kacara'dekang ri Batara lanri iami le'ba' nijo'jo' ri Musa a'jari sambenna. Mannuruki bansa Israel mae ri Yosua siagang napajappami parenta-parenta Napassareanga Batara mae ri ke'nanga tete ri Musa.

TITUS 1:1

Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 1:2

Nakana Batara, “Matemi atangKu Musa. Jari baji'mi punna apparuru mako siagang sikontu umma' Israel kamma-kamma anne, untu' a'limbang ri Binanga Yordan, siagang ampantamakki pa'rasangang Kupassareanga mae ri ke'nanga.

YOSUA 12:6

Iaminjo rua karaeng nibetaya ri Musa siagang bansa Israel. Buttana anjo karaeng-karaenga nipassareangi ri Musa, atanNa Batara, mae ri suku Ruben, suku Gad siagang bageruanna suku Manasye, untu' a'jari butta pisakana ke'nanga.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.