YOHANES 9:4 - KITTA' MATANGKASA'

⁴ Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.

YOHANES 9:4 Iomraidhean Croise

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

MATIUS 20:7

Appialimi ke'nanga angkana, ‘Katena tau ampajamaki'.’ Nakanamo anjo patanna koko, ‘Punna kamma padeng, mange ngaseng mako anjama ri koko anggorokku.’

MARKUS 3:3

Nakanamo Isa ri anjo tau mate sialia limanna, “Maeko anrinni, ammenteng ri dallekang.”

YOHANES 10:32

Mingka Nakanamo Isa ri ke'nanga, “Nucini' ngasemmi panggaukang baji' le'baka Kugaukang, situru' tugasa' Napassareanga Manggea ri Nakke. Battu ri yangasenna anjo panggaukanga, kereanga a'jari saba' nanusiratang ansambilA' batu?”

YOHANES 10:37

Punna taKugaukanga jamang Napassuroanga Manggea, teako tappaki ri Nakke.

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

YOHANES 17:4

Kupa'le'ba'mi jama-jamang Kipassuroanga ri Nakke, sollanTa akkulle Kupakala'biri' ilalang lino.

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

YOHANES 5:19

Appialimi Isa mae ri yangasenna anjo taua angkana, “Patappa'mi angkanaya, takkulleai Anaka anggaukangi apa-apaya punna lanri koasaNa bawang. Iaji bawang Nagaukang apa le'baka Nacini' Nagaukang ManggeNa. Nasaba' apa-apa Nagaukang ManggeNa, ia tomminjo Nagaukang Anaka.

YOHANES 5:36

Mingka lompoangangi kasa'biangKu na kasa'bianna Yohanes. Apa Kugaukanga ri kamma-kammaya anne, iamintu jama-jamang Napassuroanga Manggea mae ri Nakke, iaminjo a'jari butti, ma'nassana Manggea assuroA' battu.

YOHANES 7:33

Nakanamo Isa ri anjo tau jaia lalang ri Balla'Na Batara, “Poro sinampe' maMa' nia' anrurungangko. Punna le'ba'mo sallang, lammotere'Ma' mae ri Ia assuroA ri Nakke.

LAMPA-LAMPANA 4:20

Nasaba' takkulleai ammari ikambe ambicarai anjo apa le'baka nacini' siagang nalangngere' ikambe.”

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

EFESUS 5:16

Pake bajiki sikontu kasampatang niaka ri kau; nasaba' anne jammanga, jammang kaja'dallang.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.