YOHANES 8:6 - KITTA' MATANGKASA'

⁶ Nakkuta'nang kamma ke'nanga, lanri eroki ke'nanga ampa'boyangi kasalang Isa sollanna akkulle ke'nanga assalakangi Isa. Mingka a'dunduji Isa, annulisi' siagang karemenNa naung ri buttaya.

YOHANES 8:6 Iomraidhean Croise

PA'JARIANG 49:9

Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

PAMMUJI 39:1

Untu' pamimping pakelong. Pammujina Daud. Untu' Yedutun.

PANGNGEBARANG 26:17

Tau ampantamakai kalenna ri pa'beserang teaiya urusanna sanrapangi tau anjakkalaka kongkong liara' ri tolinna.

KATO'BA 3:7

wattu untu' angngekke' siagang wattu untu' anjai' wattu untu' a'mereki siagang wattu untu' a'bicara.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

DANIEL 5:5

Ti'ring nia'mo kacinikang lima tau annulisi' apa-apa ri rinring balla' karaenga, ri tampa' kaminang singaraka nataba singara' lampu, sa'genna karaenga akkullei nacini' baji'.

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

AMOS 5:13

Lanri anjo panggaukannu, nabajikangngammo nasa'ring tucara'deka a'mereki mamo ri anjo jammang kaja'dallanga.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 15:23

Mingka tena sikali Nappiali Isa ri anjo bainea. Napala'mi ana'-ana' gurunNa sollanna Nasuro anjo tu bainea a'lampa. Nakanamo ke'nanga, “Bapa' Kisuro laloi anjo bainea a'lampa. Amminawanji apparicu ri bokota!”

MATIUS 16:1

Nia' siapa are tu Farisi siagang tu Saduki battu mae ri Isa ero' ampa'boyangi kodi. Napala'mi ke'nanga sollanna appa'nia' gau' malompo na Napa'butti Isa angkanaya ma'nassa battu tojengi ri Allata'ala.

MATIUS 19:3

Battumi tu Farisia ero' ampa'boyangi kasalang. Akkuta'nammi ke'nanga angkana, “Manuru' ri atorang agamata, maka akkulleji taua antallaki bainenna manna napassala' apa mamo?”

MATIUS 22:18

Mingka Naassemmi Isa pikkirang ja'dala'na ke'nanga. Jari Nakanamo ri ke'nanga, “E, tu munape'! Angngapa nuero' ampa'boyangA' sala?

MATIUS 22:35

Nia'mo kalase'renna ke'nanga iamintu sitau guru agama, ero' ancoba-coba ampa'boyangi sala Isa. Nakuta'nammi Isa nakana,

MATIUS 26:63

Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

MARKUS 10:2

Nia'mo siapa are tu Farisi battu todong ero' ampa'boyangi kasalang Isa. Akkuta'nammi ke'nanga angkana, “Manuru' atoranga ri agamata, maka akkulleji taua antallaki bainenna?”

MARKUS 12:15

Mingka Naassengi Isa angkanaya munapeki ke'nanga. Jari appialimi Isa Nakana, “Angngapa nuero' ampa'boyangA' kasalang? PicinikiangsA' se're doe' pera'.”

MARKUS 3:2

Na nia' todong anjoreng siapa are tau eroka amboyai kasalanNa Isa, sollanna akkulle natuntu'. Jari nacinikimi ke'nanga, gassingka Naballei Isa anjo taua ri allo Pammari-marianga.

MARKUS 8:11

Nia' siapa are tu Farisi battu mae ri Isa, nappakkaramulamo naagang a'gea' Isa, ero' ampa'boyangi kasalang. Nasuromi ke'nanga Isa appa'nia' gau' appakalannasa', a'jari pammatei ma'nassa battu tojengi ri Allata'ala.

LUKAS 10:25

Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

LUKAS 11:16

Nia' tommo siapa are tau ero' ampa'boyangi kasalang Isa. Jari nasuromi Isa anggaukangi gau'-gau' appakalannasaka, a'jari pammatei ma'nassana angkanaya battu tojengi ri Allata'ala.

YOHANES 8:2

Ammukona bari'basa', a'lampami mange ri Balla'Na Batara, siagang jaimi tau battu mae ri Ia. Ammempomi Isa, nampa Naajara' ke'nanga.

1 KORINTUS 10:9

Takkulleaki' anso'ri Batara sangkamma nagaukanga ke'nanga riolo, sa'genna mate nitotto' ke'nanga ri ulara'.