YOHANES 8:53 - KITTA' MATANGKASA'

⁵³ Punna kalenna Abraham matemi, kammayatompa na'bi-na'bia mate ngaseng tommi, inaiKo antu? Maka lompongangKo na Abraham boena ikambe?”

YOHANES 8:53 Iomraidhean Croise

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

MATIUS 12:6

Pilangngeri bajiki anne kanangKu: niaki anrinni tau lompoanganga na Balla'Na Batara.

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

YOHANES 10:33

Appialimi anjo tu Yahudia nakana, “Teai lanri yangasenna anjo panggaukang baji'Nu naniero' ansambilaKo batu, passangalinna lanri Nuhinana Allata'ala. Ikau a'rupatau biasaya, erokKo ampa'jari KalenNu Allata'ala?”

YOHANES 12:34

Nakanamo anjo tau jaia ri Ia, “Manuru' Kitta' Hukkung niaka ri kambe, anjo Karaeng Mappasalamaka lattallasaki sa'genna satunggu-tungguna. Antekamma Nukkulle angkana musti nipakatinggi anjo Ana' Ma'rupataua ri lino? Inaika anjo Ana' Ma'rupataua?”

YOHANES 19:7

Appialimi tu Yahudia angkana, “Situru' undang-undang niaka ri kambe, musti nihukkung matei antu Taua, nasaba' Nakanai KalenNa Ana'Na Allata'ala.”

YOHANES 4:12

Boe-boena ikambe iamintu Yakub ansareki' anne bungunga. Ia kalenna, battu anrinni tongi angngalle je'ne' lanainunga; kammayatompa ana'-ana'na siagang olo'-olo' naparakaia, anrinni ngasengi angngalle je'ne' inung. Maka Kikana lompoangangKi' na Yakub?”

YOHANES 5:18

Pila' ero'mi ke'nanga ambunoi Isa, lanri akkana kammana Isa. Eroki ke'nanga ambunoi Isa, tena napassabakkang Naballeina bawang taua ri allo Pammari-marianna ke'nanga, mingka lanri Nakanana pole Isa angkanaya Bapa'Na anjo Allata'ala; jari battuanna, Napasangkammai KalenNa Allata'ala.

YOHANES 8:58

Appialimi Isa Nakana, “Sitojeng-tojenna Kukana ri kau ngaseng: tenapa nanilassukangi Abraham, naKunia' memammo iNakke.”

ROMA 9:5

Iami ke'nanga sossoranna boe-boeta. Battu ri bansanami ke'nanga assala' kabattuanNa Almasi, ri wattu battuNa a'jari ma'rupatau ri lino. Iami kaminang mala'biri' ri sikontuna taua. Nipujimi Allata'ala satunggu-tungguna! Aming.