YOHANES 8:2 - KITTA' MATANGKASA'

² Ammukona bari'basa', a'lampami mange ri Balla'Na Batara, siagang jaimi tau battu mae ri Ia. Ammempomi Isa, nampa Naajara' ke'nanga.

YOHANES 8:2 Iomraidhean Croise

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YEREMIA 25:3

“Lalang ruampulo antallu taung, appakkaramula battu ri taung makasampulona antallu ammarenta Yosia ana' bura'nena Amon ri Yehuda, sa'genna anne alloa le'ba'mi a'bicara Batara mae ri nakke siagang tale'baka' takkaluppa ampabattui mae ri kau ngaseng apa le'baka Napau. Mingka tena nujampangi.

YEREMIA 32:33

NabokoiMa' ke'nanga siagang manna pole tuli Kuajara' ke'nanga mingka tuli tenana naero' mappilangngeri siagang tena naero' angngu'rangi.

YEREMIA 44:4

Tulusu' Kusuroi battu ata-atangKu sikamma na'bia mae ri kau, ampisangkaiko anggaukangi anjo kaja'dallang tenaya Kungai.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

LUKAS 21:37

Anjoreng ri Balla'Na Batara angngajara' Isa punna allo. Na punna bangngi a'lampai mange ammantang ri Bonto Zaitun.

LUKAS 21:38

Bari'basa'-bari'basaki battu ngaseng taua ri Balla'Na Batara ero' ampilangngeri Isa angngajara'.

LUKAS 4:20

Le'baki Nabaca, Nagulung poleammi Isa anjo kittaka, naNapoterang, nampa mange ammempo. Nicinikimi Isa ri sikamma tau hadereka lalang ri balla' sambayanga.

LUKAS 5:3

Nai'mi Isa ri kalase'renna anjo biseanga, iamintu biseanna Simon. Nampa nasorong Simon anjo biseanga, assulukang sike'de' ri tamparanga. Ammempomi Isa ilalang ri anjo biseanga, nampa Naajara' anjo tau jaia.

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

YOHANES 8:20

Niaki lalang ri Balla'Na Batara angngajara' wattunna Napau ngaseng anne bicaraya. Anjorengi ri ampi'na patti-patti doe' pakkoro'bangnganga anjo wattua. Mingka tenanniakka manna sitau anjakkalaki Isa, lanri tenapa nanarapiki wattunna.

YOHANES 8:3

Anjo wattua battumi siapa are guru-guru agama siagang siapa are tu Farisi angngerang mae ri Ia sitau baine nirapikanga a'gau' salimara'. Nasuromi anjo bainea ammenteng ri tangnga,

LAMPA-LAMPANA 5:21

Naturukimi sikamma tunisuroNa Allata'ala anjo apa napappasanganga anjo malaekaka. Ri bari'basa' dudua, a'lampami ke'nanga mange ri Balla'Na Batara, nappakkaramula angngajara' anjoreng. Anjo wattua a'rappungammi pole imang lompoa siagang taunna ngaseng, ero' sipa'bicara siagang pamimping-pamimpinna tu Yahudia. Nampa nasuro taua mange angngallei anjo sikamma tunisuroNa Allata'ala, battu ri tarungkua, lanaerang mae ri dallekanna ke'nanga.