YOHANES 7:7 - KITTA' MATANGKASA'

⁷ Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

YOHANES 7:7 Iomraidhean Croise

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

1 KARAENG-KARAENG 22:8

Appialimi Ahab angkana, “Nia' ija se're, Mikha ana'na Yimla. Mingka birisika' ri ia, nasaba' tena le'bakai natappuanga' apa-apa baji'; tuli apa kodia.” Appialimi Yosafat angkana, “Teako akkana kammai!”

PAMMUJI 109:5

Nabalasaki ke'nanga kabajikangku siagang kaja'dallang, pangngamaseangku siagang kabirisang.

PANGNGEBARANG 15:12

Tau masarroa anghinai paranna tau, tanangaiyai nipasaile; kuttui appala' tangara' battu ri tau cara'deka.

PANGNGEBARANG 8:36

Inai tena nabuntulukka', napakarugi kalenna; tau birisika ri nakke, natanringi kamateanga.”

YESAYA 29:21

tau nangaia ampitinai paranna tau, tau ampappisangkangai nihukkung tau ja'dalaka, siagang tau appa'la'banga carita-carita balle-balle sollanna tanggappaya kaadelang tau lambusuka.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.

KAIMANGNGANG 13:10

Punna turu' ri bate paressana imanga nia' ri bukkulenna anjo taua akkambussulu' kebo', nampa a'jari kebo' bulunna ri bageang pa'risika,

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

LUKAS 6:26

Cilaka ngaseng mako, punna nipalece mako ri tau jaia; nasaba' kammatommi anjo batena boe-boena ke'nanga ampalecei na'bi-na'bi patipua ri jammang riolo.”

YOHANES 17:14

Le'ba'mi Kupabattu mae ri ke'nanga kananTa; nanikabirisimo ke'nanga ri linoa, lanri teai anne linoa ampatangi ke'nanga, sangkamma iNakke, teai anne linoa ampatangA'.

YOHANES 3:19

Iaminne passala'na nanituntuki: Battumi anjo singaraka antama' ri anne linoa, mingka nangaiangangi rupataua sassanga kala singaraka, lanri ja'dala'na ngaseng panggaukanna ke'nanga.

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

GALATIA 4:16

Maka nucini' kammama' musu ri kamma-kammaya anne, lanri kupa'nassana apa tojenga mae ri kau?

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.

1 YOHANES 4:5

Anjo na'bi-na'bi balle-ballea sangnging passala' linoa nabicara; nipilangngerimi bicaranna ke'nanga ri anne linoa, nasaba' anjo ke'nanga tau battu ri linoa assala'na.