YOHANES 7:10 - KITTA' MATANGKASA'

¹⁰ A'lampana ngasemmo sari'battanNa ri anjo passua'-suarranga, a'lampa cokko-cokkomi Kale-kalenNa Isa. Tena tau angngassengi ri wattunNa a'lampa.

YOHANES 7:10 Iomraidhean Croise

PAMMUJI 26:8

Kungai BallatTa, o, Batara, tampa' pammantangang kalompoanTa.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

AMOS 5:13

Lanri anjo panggaukannu, nabajikangngammo nasa'ring tucara'deka a'mereki mamo ri anjo jammang kaja'dallanga.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 12:46

Lalang a'bicaraNa Isa siagang anjo tau jaia, battumi amma'Na siagang sari'battanNa. Eroki antama' ke'nanga angngagangi a'bicara Isa.

MATIUS 3:15

Mingka appialimi Isa Nakana, “Boli'mi kamma rolong ri kamma-kammaya anne. Nasaba' lanri kammana minjo nanigaukang ngaseng sikamma Nakaerokia Allata'ala.” Jari nije'ne'mi Isa ri Yohanes.

MARKUS 3:21

Nakanamo tau jaia, “Pongoro'mi anne taua!” Nalangngere'na bijanNa Isa anjo kajarianga, a'lampami ke'nanga angngallei Isa.

YOHANES 11:54

Lanri kammana, tenamo Napappicinikangi KalenNa Isa ri dallekanna tau jaia ri tangnga-tangngana tu Yahudia. Nabokoimi Yudea, nampa a'lampa mange ri kota niarenga Efraim, a'reppeseka ri parang lompoa. Ammantammi anjoreng siagang ana'-ana' gurunNa.

YOHANES 7:3

Jari nakana ngasemmo sari'battanNa Isa ri Ia, “Bokoimi anne tampaka siagang a'lampa maKo mange ri daera Yudea, sollanna akkulle todong nacini' ana'-ana' gurunNu apa-apa Nugaukanga.

YOHANES 7:5

Nasaba' manna sari'battang KalenNa ngaseng tena natappa' ri Ia.)

YOHANES 7:9

Kammaminjo kananNa Isa mae ri sikamma sari'battanNa, nammantammo ri Galilea.

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.