YOHANES 6:51 - KITTA' MATANGKASA'

⁵¹ INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

YOHANES 6:51 Iomraidhean Croise

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 11:26

Na inai-nai attallasa' natappa' ri Nakke, tena nalamate sa'genna satunggu-tungguna. Tappakko ri anjo passalaka?”

YOHANES 3:13

Tenanniakka tau le'ba' nai' ri suruga, pantaranganna Ia manurunga antama' ri linoa, iamintu Ana' Ma'rupataua.

YOHANES 3:14

Antekamma batena napanai' Na'bi Musa ulara' tambagaya ri sipolong kayu, wattunna nia' ri parang lompoa, sangkamma tomminjo batena lanipanai' Ana' Ma'rupataua;

YOHANES 3:16

Nasaba' lanri Nakamaseang duduna Allata'ala rupataua ri lino, sa'genna Napassareammo Ana' sitau-tauNa, sollanna inai-nai tappa' ri Ia tena nalapanra', passangalinna lanagappai katallassang sitojennaya siagang mannannunganga.

YOHANES 3:36

Inai-nai ampatappaki anjo Anaka, iami langgappai katallassang satunggu-tunggua. Mingka inai-nai tamannurukia ri anjo Anaka, talanagappayai katallassanga. Iami lanihukkung ri Allata'ala sa'genna satunggu-tungguna.

YOHANES 5:24

Ma'nassa kontutojengi anne kana-kanangKu: Inai-nai amparhatikangi kana-kanangKu, siagang tappaki mae ri Ia assuroA' battu, ma'nassa nagappami katallassang mannannunganga. Tenamo nalanihukkung; ta'lappasa'mi battu ri kamateanga nanagappa katallassanga.

YOHANES 6:33

Nasaba' roti Napassareanga Allata'ala, Iamintu niaka manurung battu ri suruga, siagang assarea katallassang mae ri rupataua.”

YOHANES 6:35

Nakanamo Isa ri ke'nanga, “INakkemi roti assarea katallassang. Inai-nai battu mae ri Nakke, tenamo nalacipuru' sa'genna satunggu-tungguna. Siagang inai-nai tappa' ri Nakke, tenamo nalaturere pole sa'genna satunggu-tungguna.”

YOHANES 6:41

Appakkaramulami a'moro-moro tu Yahudia mae ri Isa, lanri angkanaNa Isa, “INakkemi roti manurunga battu ri suruga.”

YOHANES 6:47

Assengi angkanaya: Inai-nai tappa', iami anggappai katallassang satunggu-tunggua.

YOHANES 6:48

INakkemi roti assarea katallassang.

YOHANES 6:50

Mingka takammayai anjo roti manurunga battu ri suruga; nasaba' inai-nai angkanrei anne rotia iami tena nalamate.

YOHANES 7:38

Ri passala'na tau tappaka mae ri Nakke, niaki tattulisi' lalang ri Kittaka angkana, ‘Battu lalang ri atinna assolong je'ne' assarea katallassang.’ ” (

2 KORINTUS 5:19

Ia biritta napabattua ikambe iamintu angkanaya Napa'jari assibajikimi Allata'ala rupataua mae ri KalenNa, tete ri Almasi. TaNabilangai sikontu kasalang le'baka nagaukang rupataua mae ri KalenNa. Na ikambemi Nasuro Allata'ala ambirittakangi anjo kabaraka.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

EFESUS 5:25

Ikau tubura'-bura'nea, karimangngi bainennu, sangkamma Almasi Nakarimangngi jama'aka. Siagang Nakoro'bangkangi KalenNa untu' anjo jama'aka.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

IBRANI 10:20

Le'ba' maki' Nasungkeang Isa se're oloang beru, iamintu oloang assarea katallassang. Anjo oloanga iamintu battu ri gordenga, iamintu BatangkalenNa Isa.

1 PETRUS 2:4

Lanri kammana, battu mako mae ri Batara. Iami sanrapang batu mattallasaka, iamintu batu nipelaka ri rupataua lanri nakana tena matu-matunna; mingka nipilei ri Allata'ala a'jari batu lompoa anggaranna.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

1 YOHANES 4:10

Iaminne pangngamaseanga: Teai ikatte le'ba' angkamaseangi Allata'ala, mingka Allata'ala angkamaseangki' siagang Nasuroi battu Ana'Na sollanna tete ri Ia nanipammopporang dosa-dosata.

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.