YOHANES 5:5 - KITTA' MATANGKASA'

⁵ Anjoreng ri tampaka, nia' sitau bura'ne tallumpulomi assagantuju taung sallona garring.

YOHANES 5:5 Iomraidhean Croise

MARKUS 9:21

Akkuta'nammi Isa ri manggena anjo anaka nakana, “Siapami sallona appakamma anne?” Appialimi manggena nakana, “Pakkaramula ri ca'dina!

LUKAS 13:16

Anrinni nia' sitau baine, sossoranna Abraham, sampulomi assagantuju taung nisessa siagang nisikko' ri Billisi'. Maka takkulleai nila'gasi passikko'na ri Allo Pammari-marianga?”

LUKAS 8:43

Nia' tommo ri alla'na ke'nanga sitau baine; anjo bainea sampulomi anrua taung garring nalari cera'. La'busu'mi barang-baranna napangngongkosang mae ri dottoroka, mingka tena manna sitau akkulle amballei.

YOHANES 5:14

Ribokoanganna, sibuntulu'mi Isa siagang anjo taua lalang ri Balla'Na Batara. Nakanamo Isa ri ia, “Kamma-kamma anne baji' mako. Tea' mako a'gau' dosai pole, sollanna tena nanukasiaki pole la'bi kodianganga.”

YOHANES 5:4

Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.

YOHANES 5:6

Nacini'mi Isa anjo taua attinro anjoreng, na Naasseng angkanaya sallo sikalimi garring anjo taua. Akkuta'nammi Isa ri anjo taua Nakana, “Erokko a'jari baji'?”

YOHANES 9:1

Ri wattunna a'jappa Isa, nia'mo Nacini' tau buta battu ri pakaramula nilassukanna.

YOHANES 9:21

Mingka antekamma batena nakkulle accini' kamma-kamma anne, tena naassengi ikambe. Kammayatompa, inai amballei nakkulle accini' kamma-kamma anne, tena todong naassengi ikambe. Ia tommo kuta'nang, nasaba' toa tommi; akkullemi kalenna appiali.”

LAMPA-LAMPANA 14:8

Ri Listra, nia' sitau bura'ne peso'. Peso' memammi ri pakaramula nilassukanna, sa'genna takkullea a'jappa lanri sanna' lammana bangkenna.

LAMPA-LAMPANA 3:2

Anjoreng ri pakke'bu' lompoa, niarenga “Pakke'bu' Ga'gaya”, nia' sitau bura'ne peso'. Peso' memammi baku' nilassukanna. Allo-allona nierang anjo taua mange anjoreng untu' appala'-pala' ri tau eroka antama' ri Balla'Na Batara.

LAMPA-LAMPANA 4:22

Anjo tau peso' le'baka niballei lalang anjo gau' appakalannasaka, la'bimi patampulo taung umuru'na.

LAMPA-LAMPANA 9:33

Anjoreng, assibuntulu'mi siagang sitau bura'ne, niarenga Eneas. Anjo taua pesoki, na sagantuju taummi tambangung-bangunga battu ri katinroanna.