YOHANES 5:4 - KITTA' MATANGKASA'

⁴ Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.

YOHANES 5:4 Iomraidhean Croise

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”

PAMMUJI 119:60

Akkaro-karoma' siagang tenamo kuttayang untu' anggaukangi parentaTa.

PANGNGEBARANG 6:4

Teako a'lampai rolong tinro, siagang teako ammari-mari posoi.

PANGNGEBARANG 8:17

Kukamaseangi tau mangngaia mae ri nakke; inai amboya', lanabuntulukka'.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YEHEZKIEL 47:8

Nakana ri Nakke, “Anne binangaya a'lo'loro' anraiki ammalo anrinni ri pa'rasanganga siagang ammalo ka'bunna ri Binanga Yordan a'lampa mange ri Tamparang Matea. Punna battu je'ne'na antama ri Tamparang Matea, nasambeimi je'ne' tamparang ce'laya siagang je'ne' la'ba.

HOSEA 13:13

Nia' kasampatanna Israel untu' attallasa', mingka sanna' dongo'na sa'genna tena napa'matu-matui anjo kasampatanga. Rapangi ana' lolo lalang battang; tasalloami nalassu' mingka takkulleai assulu' battu ri pammanakkanna amma'na.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

ZAKHARIA 14:8

Ri anjo alloa, la'lo'loroki je'ne ci'nonga battu ri Yerusalem; tawaruanna anjo je'neka la'lo'loro' mangei ri Tamparang Matea nampa bageruanna pole la'lo'loro' mangei ri Tamparang Tangngaya. La'lo'loroki anjo je'neka tunggala' taung, baji' nawattu bara' kammayatompa ri wattu timoro'.

MATIUS 11:12

Battu ri pakkaramula nabirittakanna Yohanes anne kabaraka sa'genna kamma-kamma anne, tuli nisusaina umma'Na Allata'ala battu ri tau eroka angkoasai passai ke'nanga.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

LUKAS 13:24

“Usaha mako antama' siagang numalo ri pakke'bu' seppaka. Nasaba' u'rangi! Jai sikali tau ero' antama' mingka takkulleai.

LUKAS 16:16

Sikamma atorang battua ri Musa siagang pangngajaranna na'bi-na'bia tuli nipakei sa'genna battu Yohanes Paje'ne'. Pakkaramula anjo wattua tuli nibirittakammi Kabara' Baji' ri passala' antekamma bateNa ammarenta Allata'ala. Siagang napassami kalenna taua a'boya oloang ero' antama' a'jari umma'Na Allata'ala.

YOHANES 5:3

Jai tau garring attinro ri anjo paladanga; nia' tau buta, nia' tau tempang, siagang nia' todong tau peso'. Attayang ngasengi ke'nanga sa'genna ta'goccang je'neka lalang ri anjo balanga.

YOHANES 5:5

Anjoreng ri tampaka, nia' sitau bura'ne tallumpulomi assagantuju taung sallona garring.

YOHANES 5:7

Appialimi anjo taua nakana, “Bapa', tena tau anrinni ero' angngeranga' naung ri kollanga punna ta'goccang je'ne'na. Siagang punna erokka' antama', nia'mo tau rioloangang antama' ri anne balanga.”

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.