YOHANES 5:13 - KITTA' MATANGKASA'

¹³ Mingka tanaassengai anjo tau le'baka niballei angkana inai anjo tau le'baka amballei. Nasaba' a'lampami Isa battu ri alla'na anjo tau jaia.

YOHANES 5:13 Iomraidhean Croise

LUKAS 24:31

Nampami naasseng ke'nanga angkanaya Isa padeng anjo. Mingka ti'ring lanynya'mi Isa ri paccini'na ke'nanga.

LUKAS 4:30

Mingka ammose'mi Isa ri alla'na tau jaia nampa a'lampa ampilari anjo tampaka.

YOHANES 14:9

Mingka appialimi Isa Nakana, “Teaimi sipato' salloKu nia' ri tangnga-tangnganu, mingka tenapa nanuassengA' Filipus? Inai-nai le'ba'mo ancinikKa', nacini' tommi antu Manggea. Apa saba'na nukkulle angkana, ‘Kipicinikiang sai bedeng ikambe anjo Manggea?’

YOHANES 5:12

Akkuta'nammi ke'nanga angkana, “Inai anjo tau assuroako angngangkaki tappere'nu siagang assuroko a'jappa?”

YOHANES 5:14

Ribokoanganna, sibuntulu'mi Isa siagang anjo taua lalang ri Balla'Na Batara. Nakanamo Isa ri ia, “Kamma-kamma anne baji' mako. Tea' mako a'gau' dosai pole, sollanna tena nanukasiaki pole la'bi kodianganga.”

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.