YOHANES 4:9 - KITTA' MATANGKASA'

⁹ Appialimi anjo baine battua ri Samaria angkana, “IKatte tu YahudiKi' tuang, na inakke tu Samaria; angngapa naKippala' je'ne' ri nakke?” (Nakkana kamma nasaba' tena passisambunganna tu Yahudia siagang tu battua ri Samaria.)

YOHANES 4:9 Iomraidhean Croise

MATIUS 10:5

Le'baki anjo Nasuromi Isa anjo sampuloa anrua tu nisuroNa. Na Napasang angkana, “Teako a'lampai mange ri pantaranganna daerana tu Yahudia. Tea tongko mangei ri kota-kotana tu Samariaya.

LUKAS 10:33

Mingka ribokoanganna, nia'mo sitau tu Samaria sitabang a'jappa todong anjoreng ri aganga. Ri wattunna nacini' anjo taua tappalengang ri aganga, sanna'mi paccena nyawana lanri nakamaseanna anjo taua.

YOHANES 4:27

Anjo wattua ammotere'mi ana'-ana' gurunNa Isa. Lannasa'mi ke'nanga nacini'na Isa a'bicara siagang anjo bainea. Mingka tenanniakka manna sitau ri ke'nanga akkuta'nang ri anjo bainea angkana, “Apa paralluta ibu'?” yareka akkuta'nang ri Isa angkana, “Angngapa naKi'bicara siagang anjo bainea Bapa'?”

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 10:28

Le'baki anjo nakanamo ri ke'nanga, “Nuasseng ngasenji sari'battang, angkanaya situru' ajarang agamana tu Yahudia, tanipa'biangai ke'nanga angkunjungi balla'na bansa maraenga, yareka assileo' siagang bansa maraenga. Mingka le'ba'ma' Napabattuang Allata'ala, angkanaya takkulleai kucini' ra'masa' yareka harang tau maraenga.

LAMPA-LAMPANA 10:32

Jari suromi taua mange ri Yope angkioki tau niarenga Simon Petrus. Kamma-kamma anne niaki a'bangngi ri balla'na se'rea pajama kukkulu', niarenga Simon; anjo ballaka anjorengi ri biring tamparanga.’