YOHANES 4:42 - KITTA' MATANGKASA'

⁴² Nakanamo ke'nanga ri anjo bainea, “Tappa' ngaseng maki' anne, mingka teai lanri apa nupaua bawang ri kambe; mingka lanri kalennami ikambe allangngereki, naniassemmo angkanaya Ia memang tommi Karaeng Mappasalama'na anne linoa.”

YOHANES 4:42 Iomraidhean Croise

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 11:17

Ri wattunna battu Isa mange anjoreng ri tampaka, patangallomi le'ba'na nitarawang Lazarus.

YOHANES 17:8

Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOHANES 4:29

“Umba mange anciniki tau akkullea ampauanga' sikontu apa le'baka kugaukang. Maka Iami kutadeng anjo taua Karaeng Mappasalamaka?”

YOHANES 4:41

Ribokoanganna, pila' jaimi tau tappa' ri Isa, lanri apa-apa Napangngajarranga kalenna ri ke'nanga.

LAMPA-LAMPANA 13:23

Battu ri sossorannami anjo Daud, Napasadia Allata'ala sitau Karaeng Mappasalama'na bansa Israelka, situru' apa le'baka Napa'janjiang riolo. Na iaminjo Isa Karaeng Mappasalama' le'baka nipa'janjiang.

LAMPA-LAMPANA 4:12

Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

2 KORINTUS 5:19

Ia biritta napabattua ikambe iamintu angkanaya Napa'jari assibajikimi Allata'ala rupataua mae ri KalenNa, tete ri Almasi. TaNabilangai sikontu kasalang le'baka nagaukang rupataua mae ri KalenNa. Na ikambemi Nasuro Allata'ala ambirittakangi anjo kabaraka.

1 TIMOTIUS 4:10

Iaminjo saba'na kippattujuang siagang anjama terasa', lanri manrannuang tojeng-tojengki' mae ri Allata'ala mattallasaka; Iami Batara Mappasalama'na sikontu rupataua, la'biangampa pole mae ri sikamma tau tappaka.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.