YOHANES 3:8 - KITTA' MATANGKASA'

⁸ Mammiriki anginga mange ri nakaerokia; nilangngereki sa'ranna, mingka taniassengai nakabattuia siagang lanatujua. Kamma tomminjo tau nilassukang poleanga ri RohNa Allata'ala.”

YOHANES 3:8 Iomraidhean Croise

PAMMUJI 107:25

Lanri parentaNa nammiri' anging puttusuka Napabattu bombang-bombang lompoa.

PAMMUJI 107:29

Anging puttusu' a'jalloka Nasuroi sannang, nasannammo bombanga.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

KATO'BA 1:6

Anging ammiri' a'lampa timboro', nampa ammiri' a'lampa wara'; amminro-minroi, nampa ammotere' pole.

YEHEZKIEL 37:9

Nakana Allata'ala ri nakke, “He tau, a'bicarako mae ri anginga. Pauangi angkana iNakke, Batara Kaminang Tinggia amparentakangi mae ri ia sollanna nia' battu ri kere-keremae, untu' ampatuiki nappasaka antama' ri anjo sikamma tubu matea sa'genna attallasa' poleang.”

YOHANES 1:13

teai lanri ri rupataua nanilassukang, nasaba' Allata'ala nakabattui anjo katallassang berua.

YOHANES 3:7

Teako lannasaki punna Kukana: musti nilassukang poleang ngasengko.

YOHANES 3:9

Akkuta'nammi Nikodemus nakana, “Antekamma lakkulle kajariang anjo kammaya?”

LAMPA-LAMPANA 2:2

Ti'ring nia'mo sa'ra kalangngerang battu ri langika, sangkammaya anging lompo sa'ranna. Sangnging ia mami anjo sa'raya kalangngerang anjoreng ri balla' napammantangia ke'nanga ammempo a'rappungang.

LAMPA-LAMPANA 4:31

Le'baki ke'nanga appala' doang, a'gio'mi anjo tampa' napammantangia ke'nanga a'rappungang. Nikoasai ngasemmi ke'nanga ri RohNa Allata'ala. Siagang appakkaramulami ke'nanga a'jari sanna' baranina a'bicara ri passala'na kabara' battua ri Allata'ala.

1 KORINTUS 12:11

Mingka se'reji Roh anggaukangi anjo sikammaya; massing nisarei tasse're-se'rea tau pakkulle, situru' ero' KalenNa RohNa Allata'ala.

1 KORINTUS 2:11

Sai akkullea angngassengi bonena atinna se'rea tau, iamintu atinna tonji anjo taua? Kammatommi anjo rapanna Allata'ala. Ia akkullea angngassengi bonena atinNa Allata'ala iamintu RohNa tonji Allata'ala!

1 YOHANES 2:29

Nuassemmi angkanaya mappilangngeri Almasi mae ri ero'Na Allata'ala lalang ri katallassanNa. Lanri kammana, musti nuasseng tongi angkanaya inai-nai mappilangngeri mae ri ero'Na Allata'ala lalang ri katallassanna, iami ana'Na Allata'ala.