YOHANES 3:19 - KITTA' MATANGKASA'

¹⁹ Iaminne passala'na nanituntuki: Battumi anjo singaraka antama' ri anne linoa, mingka nangaiangangi rupataua sassanga kala singaraka, lanri ja'dala'na ngaseng panggaukanna ke'nanga.

YOHANES 3:19 Iomraidhean Croise

PANGNGEBARANG 2:13

Taerokai ke'nanga anturuki nikanaya cara attalasa' bajika; oloang sassang siagang rassia dosa naolo ke'nanga.

KAIMANGNGANG 13:10

Punna turu' ri bate paressana imanga nia' ri bukkulenna anjo taua akkambussulu' kebo', nampa a'jari kebo' bulunna ri bageang pa'risika,

ZAKHARIA 14:19

Iaminjo hukkungang mae ri Mesir siagang mae ri sikontu bansa tenaya naero' ampakalompoi Passua'-suarranna Pa'ballakang Leko'-Lekoka.

LUKAS 12:47

Inai-nai palayang angngassengi ero'na karaenna, mingka tena nasadia siagang tena nagaukangi ero'na karaenna, lanicambo'mi nipasitangnga mate.

LUKAS 16:14

Nalangngere' ngasengi tu Farisia sikamma Napaua Isa. Nikakkalimi Isa ri ke'nanga, lanri nangaina ke'nanga doeka.

YOHANES 1:4

Iaminjo Kanaya nakabattui katallassanga, na iaminjo katallassanga assingari rupataua.

YOHANES 1:5

Accaya minjo Singaraka lalang ri sassanga, na takkullea sassanga ambunoi Singara'Na.

YOHANES 12:31

Kamma-kamma anne wattunnami niadeli linoa; lanitu'gurammi kakoasanna pamarentana anne linoa.

YOHANES 12:43

La'bi nangaiangangi ke'nanga nipalece ri rupataua, naia nipakalompoa ri Allata'ala.

YOHANES 12:46

BattuA' antama' ri linoa a'jari sanrapang singaraka, sollanna sikontu tau tappaka ri Nakke tena nammantang lalang ri sassanga.

YOHANES 5:44

Antekammako lakkulle tappa' punna erokko nipalece ri parannu tau, mingka taerokako a'boya pammuji battu ri Allata'ala Tenaya Ruanna?

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

YOHANES 9:5

Ilalang niakKu lalang ri anne linoa, iNakkemi Singara'na linoa.”

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

ROMA 2:8

Mingka inai-nai sangnging kaparalluang kalennaji bawang naparutusu', siagang tamaerokai mannuruki ri Allata'ala, passangalinna tau ja'dalakaji naturuki, iami lasanna' nikalarroina ri Allata'ala.

2 TESALONIKA 2:12

Kale'bakkanna, sikamma anjo tau angngaiyai dosaya siagang tenaya natappa' mae ri anjo katojenganga, lanihukkungi.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

2 PETRUS 3:3

Uru-urua, musti nuassengi angkanaya ri allo-allo kala'busanga sallang, lania' ammumba sikamma tau nikoasaia katallassanna ri hawa napasu kalenna. Lanacau-cauko ke'nanga,