YOHANES 21:9 - KITTA' MATANGKASA'

⁹ Ri wattunna naung ke'nanga battu ri biseanga, nia'mo nacini' ke'nanga bara pepe'. Irate ri anjo bara pepeka nia' ta'dongko' juku' siagang roti.

YOHANES 21:9 Iomraidhean Croise

MATIUS 4:11

Kala'busanna, a'lampami Billisika ambokoi Isa. Nampa battumi malaeka'-malaekaka allayani Isa.

MARKUS 8:3

Punna Kusuro ke'nanga a'lampa natena bonena battanna, akkullei pinsang ri aganga. Sarropa pole kajai ri ke'nanga tau battu bella.”

YOHANES 18:18

Anjo wattua sanna' dinginna pakkasiaka. Jari apparinrami pepe' palayanga siagang pangawalaka ngaseng, nampa a'binrung ke'nanga. A'lampa tommi Petrus mange anjoreng ero' a'binrung siagang ke'nanga.

YOHANES 21:10

Nakanamo Isa ri ke'nanga, “Angngerang sako pirang kayuang juku' beru nijakkalaka.”

YOHANES 21:13

A'reppese'mi Isa mae ri ke'nanga. Naallemi anjo rotia naNapassareang mae ri ke'nanga. Kamma tomminjo, Napassareang tommi anjo jukuka mae ri ke'nanga.

YOHANES 21:8

Amminawang ngaseng tommi a'biseang ana'-ana' guru maraenga mae ri biring tamparanga, nanabeso' todong anjo jala rassia juku'. Tena nasiapa bellana ke'nanga battu ri bontoa. Kira-kira sibilangnganji metere' bellana.

YOHANES 6:11

Le'baki anjo, Naallemi Isa anjo rotia nampa appala' sukkuru' ri Allata'ala. Nampa Nabage-bage anjo rotia mae ri anjo tau jaia. Napakamma tomminjo jukuka; le'baki appala' sukkuru' Nabage-bage tommi anjo jukuka. Nangnganre ngasemmo ke'nanga sa'genna bassoro'.

YOHANES 6:9

“Anrinni nia' ana'-ana' bura'ne angngerang limambatu roti siagang ruang kayu juku'. Mingka apa matu-matunna anne mae ri tau sikammaya jaina?”