YOHANES 21:5 - KITTA' MATANGKASA'

⁵ Nakanamo Isa ri ke'nanga, “Ana'-ana', nia' juku'nu?” Appialimi ke'nanga angkana, “Tena.”

YOHANES 21:5 Iomraidhean Croise

1 KARAENG-KARAENG 19:6

Nacinikimi Elia tammulilina, nampa nia'mo nacini' ri ampi' ulunna sibatu roti nitunu siagang je'ne' lalang ri botolo'. Angnganremi siagang angnginummi, nampa attinro poleang.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

MATIUS 14:15

Ri wattu karuennamo, battumi ana'-ana' gurunNa akkuta'nang ri Ia angkana, “Karuemmi anne, nampa bella anne tampa' nipammantangia. Bajikangang Kisuromi anne tau jaia ammotere', sollanna akkulle ke'nanga ammalli apa-apa lanakanre ri kampong-kamponga.”

MARKUS 8:7

Nia' todong siapa are juku' ca'di-ca'dina ke'nanga. Naallemi Isa anjo jukuka nampa appala' sukkuru' ri Allata'ala. Nampa Nasuro ana'-ana' gurunNa antawa-tawa tongi anjo jukuka.

FILIPI 4:19

Allata'ala kusombaya, allumpai kakalumanynyanganNa lalang ri Isa Almasi; na Iami lassareang ngasengko sikontu kaparalluannu.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

1 YOHANES 2:13

Kutulisiki mae ri kau ngaseng sikamma bapa'-bapakku, nasaba' nuassemmi anjo Ia niaka memammo battu ri pakkaramulanna. Kutulisiki mae ri kau ngaseng, sikamma ana'-ana' rungkaya, nasaba' le'ba'mi nubeta anjo I Ja'dala'.

1 YOHANES 2:18

Sikamma ana'-anakku, a'reppese'mi kala'busang jammanga! Le'ba' mako nipauang la'bi riolo angkanaya labattui MusunNa Almasi; na kamma-kamma anne jaimi ammumba musu-musunNa Almasi. Iaminjo a'jari pammatei angkanaya la'birimmi wattunna Allo Kiamaka.