YOHANES 21:10 - KITTA' MATANGKASA'

¹⁰ Nakanamo Isa ri ke'nanga, “Angngerang sako pirang kayuang juku' beru nijakkalaka.”

YOHANES 21:10 Iomraidhean Croise

LUKAS 24:41

Na lalang tenanapa nakkulle tappa' ke'nanga, lanri rannu duduna siagang lannasa' duduna ke'nanga, akkuta'nammi Isa ri ke'nanga angkana, “Nia' kanre anrinni?”

YOHANES 21:11

Nai'mi Petrus ri biseanga, nampa nare'resang jalana mae ri bontoa. Rassi juku' anjo jalaya, nasanna' ngaseng lompona. Nia' sibilangngang limampulo antallu kayunna anjo jukuka. Mingka manna nakamma jaina anjo jukuka, tena tonja nasinre' anjo jalaya.

YOHANES 21:13

A'reppese'mi Isa mae ri ke'nanga. Naallemi anjo rotia naNapassareang mae ri ke'nanga. Kamma tomminjo, Napassareang tommi anjo jukuka mae ri ke'nanga.

YOHANES 21:9

Ri wattunna naung ke'nanga battu ri biseanga, nia'mo nacini' ke'nanga bara pepe'. Irate ri anjo bara pepeka nia' ta'dongko' juku' siagang roti.

YOHANES 6:11

Le'baki anjo, Naallemi Isa anjo rotia nampa appala' sukkuru' ri Allata'ala. Nampa Nabage-bage anjo rotia mae ri anjo tau jaia. Napakamma tomminjo jukuka; le'baki appala' sukkuru' Nabage-bage tommi anjo jukuka. Nangnganre ngasemmo ke'nanga sa'genna bassoro'.

YOHANES 6:9

“Anrinni nia' ana'-ana' bura'ne angngerang limambatu roti siagang ruang kayu juku'. Mingka apa matu-matunna anne mae ri tau sikammaya jaina?”