YOHANES 20:12 - KITTA' MATANGKASA'

¹² Apaji nania'mo nacini' rua malaeka' ammakeang kebo'. Ammempoi anjo ruaya malaeka' ri bate pammantanganna maya'Na Isa, se're ri tuju ulunNa, nase're ri tuju bangkenNa.

YOHANES 20:12 Iomraidhean Croise

DANIEL 7:9

Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

LAMPA-LAMPANA 1:10

Lalang accongana ke'nanga nai' ri langika, ri wattunna ta'angka' Isa nai' ri suruga, ti'ring nia'mo rua tau ammakeang kebo', ammenteng ri ampi'na ke'nanga.

PAPPICINI' 3:4

Mingka ri tangnga-tangnganu ri Sardis, nia' ija tau anjagai sollanna tuli tangkasa' pakeanna. Anjo ke'nanga lassiagangA' a'jappa ammakeang kebo', nasaba' nipassiratangi ke'nanga untu' anjo.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.