YOHANES 20:1 - KITTA' MATANGKASA'

¹ Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.

YOHANES 20:1 Iomraidhean Croise

MATIUS 27:56

Nia' tommi anjoreng Maria Magdalena, Maria amma'na Yakobus siagang Yusuf, kammayatompa anrong ana'-ana'na Zebedeus.

MATIUS 27:60

Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

MATIUS 27:64

Jari suro jagai baji'-baji' anjo jeraka sa'genna tallungalloa, sollanna tena nabattu ana'-ana' gurunNa allukkaki maya'Na, nampa nakabarrang angkana attallasa' poleammi battu ri kamateanga. Na anne pannipuang ri boko dudua lakodiangangi na pannipuang rioloa.”

MATIUS 27:66

A'lampami ke'nanga mange ri jeraka. Najarrekimi ke'nanga anjo batu pannongko'na jeraka. Nampa nasuro surudadua a'jaga ri dallekanna anjo jeraka, sollanna tena tau angkaccaki.

MATIUS 28:1

Allalonamo allo Pammari-marianga, iamintu ri allonna Minggua, ri bari'basa' dudua, a'lampami Maria Magdalena siagang Maria maraenganga, mange assiara ri jera'Na Isa.

MATIUS 28:2

Ti'ring ta'ge'goso' sanna'mi buttaya. Nampa nia'mo malaeka'Na Batara manaung battu ri suruga mange anggulungi assulu' anjo batu antongkokiai jera'Na Isa, nampa nai' ammempo ri tompo'na anjo batua.

MARKUS 15:46

Ammallimi Yusuf kaeng lenang alusuka, lanapareka pa'roko' maya'Na Isa. Le'baki anjo naerammi maya'Na Isa, na napantama' ri jera' batu a'bontoa. Nampa natongko' batu lompo anjo jeraka.

MARKUS 16:9

Attallasa' poleannamo Isa battu ri kamateanga, ri bari'basa'na allo Minggua, uru-uruna Napappicinikammi KalenNa mae ri Maria Magdalena. (Iaminne Maria le'baka napantamakki tuju setang, na Nabongka Isa assulu' anjo setanga battu ri kalenna.) A'lampai anjo sikamma bai'-bainea mae ri Petrus siagang agang-aganna, nampa napabattu bodona caritana anjo sikontu apa le'baka nipauangi ke'nanga ri anjo tau rungkaya.

YOHANES 11:38

Sanna'mi pole dinging-dinginna pa'mai'Na Isa, nampa a'lampami mange ri jeraka. Anjo jeraka, se're jera' batu nitongkoka batu lompo.

YOHANES 11:41

Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

YOHANES 19:25

Tabellayai ri salli'Na Isa, niaki ammenteng amma'Na Isa, sari'battang bainena amma'Na, Maria bainenna Kleopas, siagang Maria Magdalena.

YOHANES 20:26

Sidaminggu ribokoanganna, nia'mi pole a'rappungang anjo ana'-ana' gurunNa Isa ri anjo tampaka. Anjo wattua nia' tommi Tomas. Ta'joli ngasengi pakke'buka. Mingka nia'mi battu ammumba Isa siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

LAMPA-LAMPANA 20:7

Ri wattunna bangngi daminggu a'rappungang maki' ero' sipangnganreang ampakajarreki passari'battanganta. A'bicara memammi Paulus siagang sikamma tau hadereka, nasaba' ammukona ero'mi a'lampa. Sa'genna tangnga bangngi a'bicara iji Paulus.

1 KORINTUS 16:2

Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

PAPPICINI' 1:10

Ri allonNa Batara, nikoasaia' ri RohNa Allata'ala; nampa nia' kulangngere' sa'ra sannaka lompona, sangkamma sa'ra tarompe', battu ri bokoku.