YOHANES 2:5 - KITTA' MATANGKASA'

⁵ Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

YOHANES 2:5 Iomraidhean Croise

PA'JARIANG 41:55

Ri wattunna appakkaramulamo ra'yaka ri Mesir naalle cipuru', appala'mi ke'nanga apa lanakanrea mae ri karaenga. Nampa nisuromo ke'nanga ri karaenga mange ri Yusuf. Naturukimi ke'nanga sikontu apa naparentakanga Yusuf mae ri ke'nanga.

PA'JARIANG 6:22

Nagaukang ngasemmi Nuh anjo sikontu apa Napassuroanga Allata'ala mae ri ia.

YEHEZKIEL 12:7

Nampa kugaukammo anjo parentaNa Batara mae ri nakke. Anjo memang alloa, ri wattu allona, kuparutusu'mi barang-barangku antama ri se'reang pa'roko', sangkamma biasaya nagaukang tau annompanga. Ri wattunna appakkaramulamo bangngi, appare'ma' so'bolo' siagang limangku ri tembo' ballakku, nampa assulukka' battu ri anjo so'boloka. Niparhatikamma' ri sikontu taua nakupisang pa'rokokku ri salanggangku, nampa a'lampama'.

MATIUS 12:46

Lalang a'bicaraNa Isa siagang anjo tau jaia, battumi amma'Na siagang sari'battanNa. Eroki antama' ke'nanga angngagangi a'bicara Isa.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

LAMPA-LAMPANA 9:6

Mingka kamma-kamma anne ambangung mako nai', na nuantama' ri kotaya. Anjorempi nampa nipauangko apa musti lanugaukang.”

IBRANI 11:8

Lanri tappa'na, naturukimi Abraham ero'Na Allata'ala ri wattunna nikio' siagang nisuro ri Allata'ala a'lampa mange ri pa'rasangang Napa'janjianga Allata'ala mae ri ia. A'lampami Abraham manna natanaassenga pa'rasangang lanatujua.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

RUT 3:6

Jari a'lampami Rut ri tampa'na taua anggiling gandung. Anjoreng nagaukammi sikontu anjo apa napassuroanga matoanna.