YOHANES 2:4 - KITTA' MATANGKASA'

⁴ Appialimi Isa Nakana, “Teaki' suroiA' amma'. Tenapa narapiki wattunna laKupakabateang KalengKu.”

YOHANES 2:4 Iomraidhean Croise

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

2 SAMUEL 19:22

Mingka nakanamo Daud mae ri Abisai siagang Yoab daenna, “Teako pantama'-tamakki. Angngapa nanususai ngasenga'? Anne alloa inakke a'jari karaeng ammotere' mae ri Israel, siagang takkulleai nia' tu Israel nihukkung mate.”

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

KATO'BA 3:1

Sikontu apa-apaya ri anne linoa kajariangi situru' wattu Napattantua Allata'ala.

MATIUS 15:28

Nakanamo Isa ri anjo bainea: “Ibu', teai sipato' lompona tappa'nu. Boli'mi kamma na'jarimo apa nukaerokia!” Apaji naia memang anjo wattua na'jari baji' poleammo ana'na anjo bainea.

MATIUS 8:29

Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

LUKAS 2:49

Appialimi Isa Nakana, “Angngapa nakiboyA'? Takiassengai angkanaya musti niakKa' lalang ri Balla'Na ManggeKu?”

YOHANES 12:23

Nakanamo Isa ri ke'nanga, “Narapi'mi wattunna lanipakala'biri' Ana' Ma'rupataua.

YOHANES 13:1

Siallo ri tenanapa narapiki Allo Lompona Paskaya, Naassemmi Isa angkanaya narapi'mi wattunna laNabokoi anne linoa nampa ammotere' mae ri ManggeNa. Nakamaseangi tau a'jaria umma'Na ri anne linoa, siagang tuli laNakamaseangi ke'nanga sa'genna kala'busang lino.

YOHANES 2:3

Ri wattunna la'busu'mo anggoro' lanipattoananga, nakanamo amma'Na Isa ri Isa, “Kala'busangi anggoro' ke'nanga.”

YOHANES 20:13

Akkuta'nammi anjo malaekaka nakana, “Angngapa nakiangngarru' ibu'?” Appialimi Maria nakana, “Nia' le'ba' angngallei maya'Na Batara, natakuassengai angkana kemae naboli'.”

YOHANES 20:15

Akkuta'nammi Isa ri ia Nakana, “Ibu', angngapa nakiangngarru'? Inai kiboya?” Nakapangi Maria angkana pajama koko anjo taua. Jari nakanamo, “Bapa', punna ikatte ampaletteki anjo mayaka, kitulunga' nakipauanga' angkana kemae kiboli', sollanna akkulle mae kualle.”

YOHANES 7:30

Anjo wattua, ero'mi ke'nanga anjakkalaki Isa. Mingka tena tau barani anta'galaki, lanri tenapa narapiki wattunna.

YOHANES 7:6

Nakanamo Isa ri ke'nanga, “Untu' iNakke, tenapa narapiki wattungKu; mingka untu' ikau ngaseng akkulle sambarang wattu.

YOHANES 7:8

Ikau ngasemmo kalennu a'lampa mange anjoreng ri passua'-suarranga. INakke tena Ku'lampa, nasaba' untu' iNakke tanarapikapi wattungKu.”

YOHANES 8:20

Niaki lalang ri Balla'Na Batara angngajara' wattunna Napau ngaseng anne bicaraya. Anjorengi ri ampi'na patti-patti doe' pakkoro'bangnganga anjo wattua. Mingka tenanniakka manna sitau anjakkalaki Isa, lanri tenapa nanarapiki wattunna.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.