YOHANES 2:18 - KITTA' MATANGKASA'

¹⁸ Battumi tau anna'galaka koasa ri tu Yahudia andallekangi Isa. Nakanamo ke'nanga, “Coba sai gaukang gau' appakalannasaka, akkullea a'jari pammatei ri ma'nassaNu siratang anggaukang ngasengi anne sikammaya.”

YOHANES 2:18 Iomraidhean Croise

1 KARAENG-KARAENG 13:3

Nakanamo pole anjo na'bia, “Anne tampa' pakkoro'bangnganga larumbangi, siagang au niaka rateanna latattumpai. Iaminjo buttina angkanaya ma'nassa Nasuroa' Batara.”

KALAPPASSANG 7:9

“Punna nasuroko karaenga appa'nia' gau' malompo untu' a'jari butti, suroi Harun angngallei takkanna nampa nabuang naung ri buttaya ri dallekanna karaenga. Latappinrai anjo takkanga a'jari ulara'.”

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MARKUS 8:11

Nia' siapa are tu Farisi battu mae ri Isa, nappakkaramulamo naagang a'gea' Isa, ero' ampa'boyangi kasalang. Nasuromi ke'nanga Isa appa'nia' gau' appakalannasa', a'jari pammatei ma'nassa battu tojengi ri Allata'ala.

LUKAS 11:29

Lalang nikulilinginNa Isa ri tau jaia, Nasambungimi bicaranNa Nakana, “Teai sipato' ja'dala'na ngaseng taua ri anne jammanga. NasuroA' anggaukangi gau' appakalannasaka sollanna akkulle tappa' ke'nanga ri Nakke. Mingka manna sirupa tena todong gau' appakalannasa' lanipicinikiangi, pantaranganna gau' appakalannasa' le'baka kajariang ri kalenna Na'bi Yunus.

YOHANES 1:19

Nisuromi imang-imanga siagang tu Lewia ri tu Yahudi anna'galaka koasa ri Yerusalem, mange akkuta'nang ri Yohanes, angkana, “Inaiko antu?”

YOHANES 1:25

angkana, “Punna teaiko Karaeng Mappasalamaka, teaiko Elia, teai tongko Na'bi, apa saba'na nuje'ne' tau?”

YOHANES 6:30

Nakanamo ke'nanga, “Punna kamma, apa butti akkulle Kipappicinikang sollanna akkulle tappa' ikambe mae ri Katte Bapa'? Apa laKigaukang?

LAMPA-LAMPANA 4:7

Nierammi Petrus siagang Yohanes mae ri dallekanna ke'nanga. Nikuta'nammi ri ke'nanga angkana, “Antekamma batenu amballei anjo tau pesoka? Kagassingang apa yareka koasa battu kemae nupake anggaukangi anjo kammaya?”

LAMPA-LAMPANA 5:28

Nakana imang lompoa, “Le'ba' mako nipisangkai ampangngajarrangi arenNa anjo Taua. Mingka kamma-kamma anne, apa le'ba' nugaukang! Nupa'la'bammi anjo pangngajarannu mae ri sikontu tau niaka ri Yerusalem. Kammayatompa, erokko ba'lalo ampakkanaiki' anne, angkanaya passala' ikambe anne namate anjo Taua.”