YOHANES 2:11 - KITTA' MATANGKASA'

¹¹ Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YOHANES 2:11 Iomraidhean Croise

1 KARAENG-KARAENG 17:24

Appialimi anjo jandaya nakana, “Kamma-kamma anne kuassemmi angkanaya ikatte atanNaki' Allata'ala, siagang kana-kananta kammatojengi angkana kana-kana battu ri Batara!”

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAMMUJI 96:3

Caritai kalompoanNa mae ri bansa-bansaya, siagang panggaukang-panggaukang poreNa mae ri umma' rupataua.

KALAPPASSANG 14:31

Nacini'na tu Israel antekamma lompona kakoasanNa Batara ambetai tu Mesir, lannasa' sikalimi ke'nanga, siagang tappa'mi ke'nanga ri Batara siagang ri Musa atanNa.

KALAPPASSANG 4:9

Punna tena ijapa naero' tappa' ke'nanga manna pole nale'ba'mo nacini' anne ruaya gau' malompo, siagang taerokai ke'nanga anjampangi kana-kanannu, angngalleko sike'de' je'ne' battu ri Binanga Nil nampa nupatiri' naung ri buttaya. Latappinrai anjo je'neka a'jari cera'.”

KATO'BA 9:7

Umba, ningnganremo siagang a'rannu-rannu, inungi anggoro'nu numatte'ne-te'ne pa'mai'. Tena Napappisangkangi Allata'ala, ba'lalo Nakellai.

YESAYA 40:5

Nalanipa'nyata kala'biranNa Batara; sikontu rupataua lanasa'bi. Tojeng, KalenNa Batara le'ba' a'janji!”

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

YOHANES 1:43

Ammukona, a'lampami Isa mange ri pa'rasangang Galilea. Assibuntulu'mi siagang Filipus, na Nakana ri ia, “Maeko amminawang ri Nakke!”

YOHANES 1:50

Nakanamo Isa, “Iaji nutappa', lanri Kupauna angkanaya le'ba' mako Kucini' irawanganna anjo poko' araya? Apa-apa lompoanganga pole na anjo lanucini' sallang!”

YOHANES 10:41

Jaimi tau battu mae ri Ia. Nakanamo ke'nanga, “Tena gau' appakalannasa' nagaukang Yohanes, mingka sikontu apa napaua ri passala'na anne Taua annaba ngasengi.”

YOHANES 11:15

Mingka sannangi Kusa'ring pa'maikKu lanri tenaKu anjoreng namate. Nasaba' la'bi bajikangangi untu' ikau ngaseng punna Kutena anjoreng, sollannu akkulle ngaseng tappa'. Umbamo nakia'lampa mae ri Lazarus kamma-kamma anne.”

YOHANES 11:47

Jari a'rappungammi tu Farisia, imang-imang kapalaya, kammayatompa haking-hakinga ri Pangadelang Agamaya. Nakanamo ke'nanga, “Apa musti nigaukang? Anjo taua jai sikali gau'-gau' appakalannasa' Nagaukang!

YOHANES 12:18

Lanri kammana minjo na'lampamo anjo tau jaia mae ri Isa; nasaba' nalangngere'mi ke'nanga angkanaya Isa anggaukangi anjo gau' appakalannasaka.

YOHANES 12:37

Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

YOHANES 12:41

Na'bicara kamma Na'bi Yesaya, lanri nacini'mi kala'biranNa Isa. Iaminjo nanasero kana anjo passalaka.

YOHANES 14:13

Na apa-apa mamo nupala' lalang arengKu, laKupa'rupang ngasengko, sollanna nipakala'biri' Manggea lalang ri KalenNa Anaka.

YOHANES 16:27

nasaba' KalenNa Manggea angkamaseangko. Nakamaseangko Manggea, lanri nukamaseangA', siagang tappakko ri Nakke angkanaya battuA' ri Allata'ala.

YOHANES 16:30

nanaasseng ikambe angkanaya sikontu apa-apaya Kiasseng ngasengi, Batara. Tena naparallu taua ampakkuta'nangangi ri Katte. Iaminjo saba'na natappa'mo ikambe angkanaya iKatte battuKi' ri Allata'ala.”

YOHANES 2:1

Ruangallo ribokoanganna, nia' passua'-suarrang pa'buntingang ri kota Kana, ri pa'rasangang Galilea. Na nia' tongi amma'Na Isa anjoreng.

YOHANES 2:23

Lalang ri nia'na Isa ri Yerusalem, ri wattunna allo Passua'-suarranna Paskaya, jaimi tau tappa' ri Ia lanri sikamma gau' appakalannasa' le'baka Nagaukang.

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

YOHANES 4:3

Ri wattunna Naasseng Isa angkanaya nalangngere'mi tu Farisia anjo passalaka, a'lampami battu ri Yudea mange ri Galilea.

YOHANES 4:46

Le'baki anjo, ammotere'mi Isa mange ri Kana, ri Galilea. Anrinni minne le'ba' Isa ampinrai je'neka a'jari anggoro'. Anjoreng ri kotaya, nia' sitau pagawena karaenga, sitabang garring ana'na ri Kapernaum.

YOHANES 4:54

Iaminjo gau' appakalannasa' makaruaya Nagaukanga Isa ri wattunna nia' battu ri Yudea mange ri Galilea.

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

YOHANES 6:14

Nacini'na tau jaia anjo gau' appakalannasa' Nagaukanga Isa, nakanamo ke'nanga, “Ma'nassa Iaminne Na'bi niminasaia labattu ri linoa!”

YOHANES 6:2

Battuna mange anjoreng jaimi tau ampinawangi, lanri nacini'na ngasemmo ke'nanga sikamma gau'-gau' appakalannasa' le'baka Nagaukang, iamintu Naballeina sikamma tau garringa sa'genna a'jari baji'.

YOHANES 6:26

Appialimi Isa Nakana, “Sikontutojenna, iaji nanuboya ngasengA', teai lanri nupahannamo battuanna anjo gau'-gau' appakalannasa' le'baka Kugaukang, passangalinna lanri bassoro'nu ngasemmo angnganre.

YOHANES 6:30

Nakanamo ke'nanga, “Punna kamma, apa butti akkulle Kipappicinikang sollanna akkulle tappa' ikambe mae ri Katte Bapa'? Apa laKigaukang?

YOHANES 7:31

Jaimi ri alla'na anjo taua a'jari tappa' ri Isa; nakanamo anne ke'nanga, “jari punna niaki battu anjo Karaeng Mappasalamaka, maka lajaiangangi gau' appakalannasa' Nagaukang naanne taua?”

YOHANES 9:16

Nia'mo siapa are tu Farisi angkana, “Tena olona laTau battu ri Allata'ala anne Tau anggaukangai anne panggaukanga lanri tena Najampangi allo Pammari-marianga.” Mingka nia'mo maraengang angkana, “Tena olona Tau dorakaya lakkulle anggaukangi gau'-gau' appakalannasa' kammaya anne!” Jari tenamo na'julu panggappa ke'nanga.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

PAOLE 5:24

Nakana ke'nanga, ‘Napappicinikammi kalompoanNa siagang kala'biranNa Karaeng Allata'alata ri wattunna nilangngere' a'bicara battu lalang ri pepeka. Anne alloa nacini'mi ikambe angkanaya nia' memang todong olona rupataua untu' tuli attallasa', manna pole nale'ba'mo a'bicara Allata'ala mae ri ia.

1 YOHANES 5:13

Kutulisi'mi anne suraka mae ri kau ngaseng tau tappaka ri Ana'Na Allata'ala, sollanna nuasseng angkanaya nutarimami anjo katallassang sitojennaya siagang mannannunganga.