YOHANES 18:1 - KITTA' MATANGKASA'

¹ Le'baki appala' doang kamma anjo, a'lampami Isa siagang ana'-ana' gurunNa anta'leang ri ba'leanna Binanga Kidron. Anjoreng nia' se're koko. Antama'mi Isa siagang ana'-ana' gurunNa ri anjo kokoa.

YOHANES 18:1 Iomraidhean Croise

PA'JARIANG 2:15

Nampa Napamantang Karaeng Allata'ala anjo taua lalang ri koko Eden, sollanna najama siagang naparakai anjo kokoa.

PA'JARIANG 3:23

Jari Nabongkami Karaeng Allata'ala anjo taua battu ri koko Eden na Nasuro angngusaha butta a'jaria assala'na.

2 SAMUEL 15:23

Angngarru' lompo kabusu'mi ra'yaka ri wattunna nabokoimo pasukang-pasukanna Daud anjo kotaya. Nampa a'limbang karaenga ri pangka Binangana Kidron nipinawang ri sikontu pasukanna, nampa a'jappa ke'nanga a'lampa mange ri parang lompoa.

1 KARAENG-KARAENG 15:13

Toana, Maakha, napammari battu ri kadudukanna salaku amma' karaeng, lanri le'ba'na appare' patung barhala salaya untu' Asyera, iamintu rewata baine untu' kacoppongang lamung-lamung. Narumbangi Asa anjo barhalaya nampa natunu ri Lappara' Kidron.

1 KARAENG-KARAENG 2:37

Punna baraniko assulu' siagang a'lampa allaloi pangkana Binanga Kidron, musti nibunoko. Nampa kalennu tonji antanggongi anjo kasalannu.”

2 KARAENG-KARAENG 23:12

Sikamma tampa' pakkoro'bangngang nibangunga ri Karaeng-karaeng Yehuda ri pattongko' rateanna kamara'-kamara'na Karaeng Ahas, naputta tongi. Kammayatompa tampa'-tampa' pakkoro'bangngang nibangunga ri karaeng Manasye ri ruaya paranglakkenna Balla'Na Batara, naputta kabusu' tongi Yosia, nampa napela' antama ri Ka'bung Lappara' Kidron.

2 KARAENG-KARAENG 23:4

Le'baki anjo naparentakammi karaenga mae ri Imang Lompo Hilkia, sikamma imang pambantua siagang sikamma pangawala' tugasaka ri pakke'bu' Balla'Na Batara, sollanna napasulu' battu ri anjo Ballaka sikontu pakkakasa' le'baka nipake untu' anynyomba ri Baal, Dewi Asyera, siagang bintoeng-bintoenga. Sikontu anjo barang kammaya natunui Karaeng Yosia ri pantaranna kotaya ri ampi'na Ka'bung Lappara' Kidron, nampa nierang auna mange ri Betel.

2 KARAENG-KARAENG 23:6

Patunna Dewi Asyera napasuluki battu ri Balla'Na Batara, nampa naerang assulu' ri pantaranna kotaya, mange ri Ka'bung Lappara' Kidron. Anjoreng nitunumi anjo patunga, nampa nidengka sa'genna alusu' cumi'na, siagang nipakioro' auna irate ri pa'jerakkang tujaia.

2 PATTOTTORANG 15:16

Nampa napammari Karaeng Asa anjo toana niarenga Maakha battu ri jama-jamanna a'jari Amma' Karaeng lanri le'ba'na appare' patung barhala rantasaka untu' Asyera, dewi ri kacopponganga. Naruntungi siagang naancuru' tabasikali Asa anjo patunga nampa natunu anjoreng ri Lappara' Ka'bung Kidron.

2 PATTOTTORANG 30:14

Sikontu tampa' pakkoro'bangngang niaka ri Yerusalem le'baka nipake untu' assare koro'bang siagang attunu dupa mae ri rewata-rewataya, nialle kabusuki nampa nipela' antama' ri Ka'bung Kidron.

NEHEMIA 2:15

Jari, naummi ikambe ri Ka'bung Kidron nampa napannarrusu' jappana ikambe anjo bangngia, siagang kuparessami tembo' kalli'na kotaya. Le'baki anjo a'lekkomi ikambe nampa ammotere' mange ri kotaya, ammalo ri Pakke'bu' Lompo Ka'bunga.

YEREMIA 31:40

Sikontu anjo ka'bung lapparaka, nipakea a'jari pa'jerakkang siagang tampa' pammelakkang loro, kammayatompa sikontu kokoa ri birinna Binanga Kidron sa'genna mange ri Pakke'bu' Lompo Jarang a'lampa anrai', lanisa'laki untu' iNakke. Kota Yerusalem tenamo nalaniruntungi yareka tenamo nalaniancuruki.”

KAIMANGNGANG 2:6

Anjo roti nipassareanga musti nipue-puei, nampa nitiriki minynya' zaitun.

MATIUS 26:30

Le'baki anjo, akkelong-kelommi ke'nanga se're kelongang pammuji ri Allata'ala. Nampa a'lampa ke'nanga mange ri Bonto Zaitun.

MATIUS 26:36

Le'baki anjo a'lampami Isa siagang ana'-ana' gurunNa mange ri se'reang tampa' nikana Getsemani. Nakanamo ri ana'-ana' gurunNa, “Ammempo mako anrinni antayangA', erokKa' a'lampa anjoreng appala' doang.”

MARKUS 14:26

Le'baki anjo akkelommi ke'nanga se're kelong-kelong pammuji ri Allata'ala. Nampa a'lampa ke'nanga mange ri Bonto Zaitun.

MARKUS 14:32

Battumi ke'nanga ri se'reang tampa' niarenga Getsemani. Nakanamo Isa ri ana'-ana' gurunNa, “Ammempo mako anrinni naKu'lampa rolong appala' doang.”

MARKUS 14:42

Ambangung ngaseng mako, umba ki'lampa. Ciniki: Battumi tau ampasikongkolangiA'!”

YOHANES 14:31

Mingka musti kajariang ngasengi anjo sikammaya, sollanna nanaasseng anne linoa, angkanaya Kukamaseangi Manggea siagang Kugaukang ngasengi sikontu Naparentakanga mae ri Nakke. Jari umbamo ki'lampa battu anrinni.”

YOHANES 18:26

Nia' sitau suro-surona imang lompoa, iamintu bijanna anjo tau le'baka nikaccili' pa'dang tolinna ri Petrus, angkana ri Petrus, “Kucinikko lalang ri kokoa siagang anjo Taua!”

LAMPA-LAMPANA 21:11

Battui mae ri kambe nampa naalle passikko' aya'na Paulus. Napakemi anjo passikko' ayaka ansikkoki lima kalenna siagang bangkeng kalenna nampa nakana, “Iaminne Napaua RohNa Allata'ala: Anne patanna passikko' ayaka lanisikko' kammaminne ri tu Yahudia ri Yerusalem, nampa nipassareang mae ri bansa maraenga.”