YOHANES 17:8 - KITTA' MATANGKASA'

⁸ Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOHANES 17:8 Iomraidhean Croise

PANGNGEBARANG 1:23

Pilangngeria' punna kupasaileko, na lakupa'nyata bonena atingku, siagang kuajarrangko pangngassengangku.

PANGNGEBARANG 1:3

Anne sikamma pappakaingaka naajaraki taua antekamma nakkulle a'jari tu cara'de' lalang tallasa'na, lambusu', adele' siagang annaba.

PANGNGEBARANG 2:1

Ana', tarima laloi ajarang-ajarangku, siagang tuli u'rangi laloi sikamma pappakaingakku mae ri kau.

PANGNGEBARANG 4:10

Pilangngeria' na'! Parhatikangi baji'-baji' sikamma pappakaingakku, nala'bu umuru'nu.

PANGNGEBARANG 8:10

Anggaraki pappakaingakku la'biangngang na pera' ti'noka paralluangngangi pangngassenganga la'biangngang na bulaeng ti'noka.

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

YOHANES 12:49

Nasaba' teai battu ri ero' KalengKu naKupabattu anjo bicaraya; Manggea assuroA', Iami ampassuroangi ri Nakke apa musti Kupau siagang Kupabattu.

YOHANES 14:10

Filipus! Maka tena nutappa' angkanaya iNakke asse'reA' ri Manggea, siagang anjo Manggea asse'rei siagang iNakke? Apa Kupaua ri kau teai battu ri ero' KalengKu bawang naKupau. Manggea, tuli niaka asse're siagang KalengKu, Iami anggaukang ngasengi anjo passalaka.

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

YOHANES 16:27

nasaba' KalenNa Manggea angkamaseangko. Nakamaseangko Manggea, lanri nukamaseangA', siagang tappakko ri Nakke angkanaya battuA' ri Allata'ala.

YOHANES 16:30

nanaasseng ikambe angkanaya sikontu apa-apaya Kiasseng ngasengi, Batara. Tena naparallu taua ampakkuta'nangangi ri Katte. Iaminjo saba'na natappa'mo ikambe angkanaya iKatte battuKi' ri Allata'ala.”

YOHANES 17:14

Le'ba'mi Kupabattu mae ri ke'nanga kananTa; nanikabirisimo ke'nanga ri linoa, lanri teai anne linoa ampatangi ke'nanga, sangkamma iNakke, teai anne linoa ampatangA'.

YOHANES 17:18

Sangkamma KisuroKu antama' ri lino, kammaminjo naKusuro todong ke'nanga mange ri linoa.

YOHANES 17:21

Kupalaki ri Katte Bapa', sollanna a'jari se're ngaseng anne ke'nanga, sangkamma iKatte siagang iNakke yareka iNakke siagang iKatte se're tonjaKi'. Poro asse're ngasengi ke'nanga mae ri Katte, sollanna akkulle tappa' linoa angkana iKatte assuroA' battu ri lino.

YOHANES 17:23

asse'reA' siagang ke'nanga, na iKatte siagang iNakke, sollanna a'jari se're tojeng-tojeng ke'nanga. Jari lanaassemmi linoa angkana iKatte assuroA', siagang Kikamaseangi ke'nanga, sangkamma KikamaseangKu.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

YOHANES 3:17

Nasaba' tena naNasuroi battu Ana'Na Allata'ala untu' anghukkungi anne linoa, passangalinna untu' ampasalamaki.

YOHANES 3:33

Inai-nai ampatappaki kasa'bianNa, iami ammangakui angkanaya ma'nassa tojengi Allata'ala.

YOHANES 6:68

Nakanamo Simon Petrus ri Ia, “O Batara, inaimi lanamangei ikambe? Kana-kananTa assarei katallassang mannannungang.

YOHANES 8:42

Nakanamo Isa ri ke'nanga, “Ebara' manggenu anjo Allata'ala, tantu lanukamaseangA', lanri iNakke battuA' ri Allata'ala. Teai ero' KalengKu naKubattu, passangalinna Allata'ala assuroA'.

1 KORINTUS 11:23

Nasaba' anjo kupangngajarranga mae ri kau, pangngajarang kutarima battu ri KalenNa Batara: angkanaya ri bangngi nipassareanna Isa, Batarata, angngallei roti;

1 KORINTUS 15:1

Na kamma-kamma anne, sari'battangku ngaseng, kukellai nanuu'rangi poleang Kabara' Baji' battua ri Allata'ala, le'baka kupabattuangko riolo. Nutarimami anjo Kabara' Bajika, siagang tappa' mako mae ri Almasi lanri anjo Kabara' Bajika.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

1 TESALONIKA 2:13

Nia' pole maraengannaya a'jari saba' natuli appala' sukkuru' ikambe mae ri Allata'ala. Iamintu, angkanaya ri wattunna napabattu ikambe anjo biritta battua ri Allata'ala, nupilangngeri siagang nutarimai anjo birittaya, teai salaku biritta battu ri rupataua, passangalinna salaku biritta battu ri Allata'ala. KalenNa Allata'ala anggaukangi anjo jama-jamanga lalang ri kalennu, ia matappaka mae ri Almasi.

1 TESALONIKA 4:1

Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.

PAPPICINI' 1:1

Ia bonena anne Kittaka, iamintu apa-apa le'baka Napappicinikang Isa Almasi ri passala'na sikontu apa-apa lakajarianga sallang. Napappiassengangi Allata'ala mae ri Almasi sollanna Napabattu Almasi mae ri sikontu atanNa Allata'ala apa-apa tenayamo nasallo namusti kajariang. Nasuromi Almasi a'lampa malaeka'Na mae ri atanNa, iamintu Yohanes, untu' ampappiassengangi mae ri ia anjo apa-apa lakajarianga.