YOHANES 17:10 - KITTA' MATANGKASA'

¹⁰ Sikontu apa-apa Kupatanga, iKatte todong pata; sikamma apa-apa Kipatanga, iNakke todong pata. NaKunipakala'biri' ri tangnga-tangngana ke'nanga.

YOHANES 17:10 Iomraidhean Croise

YOHANES 10:30

INakke siagang Manggea se'rejA'.”

YOHANES 11:4

Nalangngere'na Isa anjo kabaraka, Nakanamo, “Anjo garringa tena nala'jari saba' nalamate. Anne nakajariang sollanna nipakala'biri' Allata'ala, na sollanna nipakala'biri' todong Ana'Na Allata'ala saba' anne kajarianga.”

YOHANES 12:23

Nakanamo Isa ri ke'nanga, “Narapi'mi wattunna lanipakala'biri' Ana' Ma'rupataua.

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

LAMPA-LAMPANA 19:17

Nalangngere'mi sikontu tu Yahudia siagang bansa-bansa maraeng niaka ammantang ri Efesus anjo apa kajarianga, sa'genna a'jari malla'mi ke'nanga. Napila' nipujimo arenNa Batara Isa.

GALATIA 1:24

Jari, ammuji-mujimi ke'nanga ri Allata'ala, passabakkang inakke.

FILIPI 1:20

Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.

KOLOSE 2:9

Nasaba' sikontu batangkalenNa Allata'ala nia'mi lalang ri KalenNa Almasi, iamintu lalang ri ma'rupataua.

2 TESALONIKA 1:10

iamintu punna battu sallang Batara untu' lanipakalompo ri umma'Na siagang untu' lanikangalikang ri sikontu tau tappaka. Ikau pole, lania' ngaseng tongko ri alla'na anjo umma'Na Allata'ala, lanri tappa' ngaseng mako mae ri anjo biritta napabattua ikambe mae ri kau ngaseng.

2 TESALONIKA 1:12

Lanri kammana anjo nanipakalompomo Batarata Isa ri kau ngaseng; kammayatompa nipakalompo tommako ri Isa lanri kabajikang pa'mai'Na Allata'ala siagang Batara Isa Almasi.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.