YOHANES 16:3 - KITTA' MATANGKASA'

³ La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

YOHANES 16:3 Iomraidhean Croise

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

YOHANES 15:21

Lanagaukang ngasengi anjo kammaya mae ri kau, lanri amminawannu ri Nakke, siagang lanri tenana naassengi ke'nanga angkana inai assuroA'.

YOHANES 15:23

Inai-nai angkabirisiA', nakabirisi tommi ManggeKu.

YOHANES 17:25

Bapa' maadeleka! TanaassengaKi' anne linoa, mingka iNakke KuassengKi'. Na naasseng ngaseng anne taua angkanaya iKatte assuroA' battu ri lino.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

YOHANES 8:19

Nakanamo ke'nanga, “Kemae ManggeNu?” Appialimi Isa Nakana, “Tena nanuassengA' siagang tena nanuassengi ManggeKu. Ka'de' nanuassengA', mattantu nuasseng tommi ManggeKu.”

YOHANES 8:55

mingka tena nanuassengi. Mingka iNakke Kuassengi. Ebara'na Kukana tena naKuassengi, a'jari tu paballe-balleMa', sangkamma ikau ngaseng. Mingka iNakke Kuassengi siagang Kuturuki kananNa.

LAMPA-LAMPANA 3:17

Sikamma sari'battangku ngaseng! Kamma-kamma anne kuassemmi angkanaya anjo apa nugaukanga siagang pamimping-pamimpinnu mae ri Isa, apa tena ngaseng nanupahangi nanugaukangi.

1 KORINTUS 2:8

Tena manna se're tau anna'galaka koasa ri anne jammanga angngassengi anjo pangngassenganga. Nasaba' ka'de' naassemmi ke'nanga, tantu tenamo nanasalliki ke'nanga anjo Batara kaminang mala'birika.

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

1 YOHANES 2:23

Inai-nai tena namangakui Anaka, ma'nassa tena tommo namangakui Manggea. Na inai-nai ammangakui Anaka, ma'nassa namangakui tommi Manggea.

1 YOHANES 3:1

Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.

1 YOHANES 4:8

Tau tenaya namangngamaseang, tanaassengai Allata'ala; nasaba' anjo Allata'ala mangngamaseangi.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.