YOHANES 16:21 - KITTA' MATANGKASA'

²¹ Punna nia' sitau baine la'biring ammana', lasusai, nasaba' narapi'mi wattunna lasessa. Mingka kamma lassu'na ana'na, nakaluppaimi pa'risi'na anjo bainea napakamma rannu, lanri lassu'namo anjo ana'na antama' ri lino.

YOHANES 16:21 Iomraidhean Croise

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

AYUB 11:16

ba'lalo pa'risi'nu tenamo nanuu'rangi; sanrapang a'ba naungamo, nikaluppaimi ri taua.

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

YESAYA 13:8

Lanibattui ke'nanga ri kamallakkang lompo, nammulingkara' sanrapang baine pa'risika nasa'ring lamana'. Lamassing sicinikimi ke'nanga lalang malla', ejai rupanna napakamma siri'-siri'.

YESAYA 21:3

Linguma' kugappana anjo paccinika, sa'genna takkulleama' accini' siagang allangngere'. Malla'ma' siagang pa'risi'mi kusa'ring, rapang baine lamanaka.

YESAYA 66:7

Kota matangkasakKu rapangi sitau baine allassukanga ri tenanapa nakasiaki pa'risika; allassukanga sitau ana' bura'ne ri tenanapa nakasiaki nikanaya pa'risi' punna ammana'.

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.

MIKHA 4:9

Angngapa nungarru' lompo kamma? Angngapa nusessa kamma rapang baine eroka ammana'? Apaka lanri tenana karaennu, siagang lanri matenamo sikamma tumappakaingaka ri kau ngaseng?

GALATIA 4:27

Nasaba' nia' tattulisi' lalang ri Kittaka angkanaya, “Pakarannumi pa'mai'nu ikau baine tamananga, tenaya nale'ba' allassukang ana'! Assannang-sannang mako siagang ma'reja-reja mako ikau tau tale'baka ampisa'ringi pa'risi'na pammanakkanga! Nasaba' baine nibokoia ri tu bura'nenna lanisarei la'bi jaiangang ana', na ia baine niaka tuli a'rurung siagang tu bura'nenna.”

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.