YOHANES 15:4 - KITTA' MATANGKASA'

⁴ Tuli asse're mako mae ri Nakke, naKutuli asse're todong siagang ikau ngaseng. Takkulleai appasulu' rappo tangke-tangkea, punna tena natuli asse're mae ri poko'na. Kamma ngaseng tommako anjo; iapa nukkulle a'rappo, punna tuli asse'reko siagang iNakke.

YOHANES 15:4 Iomraidhean Croise

KELONG MALA'BIRI' 8:5

Inaika anjo, niaka battu ri parang lompoa ammanjeng ri tanrinna? Kupabangungko irawanganna poko' appele', tampa'nu nitianangngang siagang nilassukang.

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

MATIUS 12:33

“Sollanna akkulle baji' rapponna, parallui coppong se'rea poko'-poko'. Punna tacopponga se'rea poko'-poko', tena todong nalabaji' rapponna. Battu ri rapponnai nicini' antekamma copponna yareka tenana nacoppong se'rea poko'-poko'.

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

YOHANES 14:20

Punna narapi'mo wattunna anjo alloa, lanuassemmi angkanaya iNakke asse'reA' siagang Manggea, ikau ngaseng asse'reko siagang iNakke, na Kuasse're siagang ikau ngaseng.

YOHANES 17:23

asse'reA' siagang ke'nanga, na iKatte siagang iNakke, sollanna a'jari se're tojeng-tojeng ke'nanga. Jari lanaassemmi linoa angkana iKatte assuroA', siagang Kikamaseangi ke'nanga, sangkamma KikamaseangKu.

YOHANES 6:56

Inai-nai angkanrei assingku, siagang inai-nai angnginungi cerakKu, iami a'jari se're siagang iNakke, siagang a'jari se'reMa' siagang kalenna.

YOHANES 8:31

Nampa Nakana Isa ri tu Yahudi tappakamo ri Ia, “Punna attallasakko situru' ajarangKu, nampa mako amminawang tojeng-tojeng ri Nakke;

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

2 KORINTUS 13:5

Coba sai paressa kalennu, maka attallasa' tojeng-tojeng mako situru' matappa'nu mae ri Almasi? Ma'nassa langngu'rangiko angkanaya niaki Isa Almasi lalang ri kalennu! Simmaraengi punna tena nutappa' tojeng-tojeng.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

EFESUS 3:17

Naporo lanri tappa'nu mae ri Almasi, nammantammo Almasi lalang ri atinnu; siagang na'jari jarre'mo katallassannu lanri tatta'gala' jarre'namo pangngamaseanga lalang ri kalennu.

FILIPI 1:11

Lakala'biang mako ri sikamma panggaukang bajika; iamintu jama-jamang KalenNaya bawang Isa akkulle anggaukangi; naporo nipakala'biri'mo siagang nipuji-pujimo Allata'ala.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

KOLOSE 1:27

Mae ri anjo umma'Na, eroki Allata'ala ampa'nyatai antekamma baji'na siagang mala'biri'na anjo rahasiaNa untu' sikontu rupataua. Anjo rahasiaya, iamintu: Niaki Almasi lalang ri kalennu; battuanna langgappa tongko bageang lalang ri kalompoanNa Allata'ala.

KOLOSE 2:6

Nutarimami Isa Almasi a'jari Bataranu. Lanri kammanami anjo paralluko asse're siagang Ia lalang ri katallassannu,

1 TESALONIKA 3:5

Lanri kammana minjo nakusuromo Timotius battu mae ri kau ngaseng, sollanna akkulle kuasseng antekamma kamajuanna katappakkannu, nasaba' teai sipato' ero'na kuasseng. Bata-batai nyawaku, gassingka naso'riko Billisi' sa'genna a'jari sia-sia ngaseng kaposoanna ikambe.

IBRANI 10:39

Ikatte anne teaiki' umma' ammono'bokoa siagang sala oloanga. Mingka ikatte umma' matappakki' mae ri Allata'ala siagang nipasalamaka ri Allata'ala.

1 YOHANES 2:6

Inai-nai angkana asse'rei siagang Allata'ala lalang ri katallassanna, musti sangkammai siagang Almasi batena attallasa'.

2 YOHANES 1:9

Inai-nai tena nanna'gala' jarre' mae ri pangngajaranNa Almasi, passangalinna ammengkai battu ri apa le'baka Napangngajarrang, anjo taua tena Allata'alana. Inai-nai tuli anna'gala' mae ri pangngajaranNa Almasi, natarima tommi Allata'ala Manggea siagang pole Anaka.