YOHANES 14:3 - KITTA' MATANGKASA'

³ Punna le'ba'Ma' a'lampa ampasadiang ngasengko tampa', lammotere' poleamMa' angngalle ngasengko; sollanna kemae-kemae pammantangangKu, lania' ngaseng tommako anjoreng.

YOHANES 14:3 Iomraidhean Croise

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

YOHANES 14:28

Le'ba'mi nulangngere' Kukana, ‘La'lampA', mingka lammotere'jA' pole mae ri kau’. Punna nukamaseangA', lasannangi nyawanu punna a'lampA' mange ri Manggea. Nasaba' anjo Manggea, lompoangangi naiNakke.

YOHANES 14:4

Tanuassengai oloanga mange anjoreng ri tampa' laKumangeia.”

YOHANES 17:24

Bapa', erokKa' angkanaya sikamma anjo tau Kipassareanga ri Nakke, lassiagang ngasengA' anjoreng ri tampa' Kupammantangia, sollanna akkulle nacini' ke'nanga kala'birangKu. Iamintu kala'birang Kipassareanga mae ri Nakke, lanri Kikamaseang memamMa' ri tenanapa nanipa'jari anne linoa.

LAMPA-LAMPANA 1:11

Nakanamo anjo tau ruaya, “E, ikau ngaseng tu battua ri Galilea, angngapa nummantang bawang antureng acconga nai' ri langika? Anjo Isa, nucinika ta'angka' nai' ri suruga, labattu poleangi sallang lalang kala'biranNa, sangkamma la'biri'Na ri wattunna nucini' nai' ri suruga sumpadeng.”

ROMA 8:17

Jari punna a'jari maki' ana'-ana'Na, ma'nassa a'jari tommaki' warisi'Na, lantarimayai sikamma barakka' le'baka Napasadia Allata'ala untu' ana'-ana'Na. Lannarimaki' siagang Isa apa le'baka Napasadia Allata'ala untu' Isa; nasaba' punna sikapa'risangki' siagang Almasi, lasiagang tommaki' Almasi nipakala'biri'.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

2 TESALONIKA 1:12

Lanri kammana anjo nanipakalompomo Batarata Isa ri kau ngaseng; kammayatompa nipakalompo tommako ri Isa lanri kabajikang pa'mai'Na Allata'ala siagang Batara Isa Almasi.

2 TIMOTIUS 2:12

Punna tuli sa'barakki' lammarenta tommaki' siagang Ia. Punna tanitarimayai, talaNatarimaya tommaki'.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.