YOHANES 13:7 - KITTA' MATANGKASA'

⁷ Appialimi Isa Nakana, “Kamma-kamma anne tanupahangai anne apa Kugaukanga; mingka ri bokopi sallang nampa nupahang!”

YOHANES 13:7 Iomraidhean Croise

YEREMIA 32:43

Nakana taua anne pa'rasanganga a'jarimi sangkamma parang luara' tenaya nipammantangngi ri tau siagang olo'-olo', siagang anne pa'rasanganga tu'guru'mi antama ri limanna tu Babel. Mingka iNakke Kukana, sallang sikamma koko-kokoa lanipareki pole balu'-balukang ri anne pa'rasanganga;

DANIEL 12:12

Mate'nei ke'nanga tau tuli majarreka sa'genna allo maka 1.335.

DANIEL 12:8

Sikontu anjo apa napaua memang kulangngereki, mingka tena nakupahangi. Nampa akkuta'nanga' angkana, “O karaeng, antekamma batena lakala'busang yangasenna anne?”

YOHANES 12:16

Anjo wattua tanaassengapi ana'-ana' gurunNa Isa angkanaya apa ngaseng battuanna anjo kammaya. (Mingka ri wattunna nipakala'biri'mo Isa battu ri kamateanNa, nampami nau'rangi ke'nanga angkanaya anjo apa le'baka nagaukang taua ri Isa le'ba' memammi tattulisi' lalang ri Kittaka anjo apa kajarianga ri Ia.)

YOHANES 13:36

Akkuta'nammi Simon Petrus ri Isa, nakana, “O Batara, la'lampa kemaeKi'?” Appialimi Isa Nakana, “Takkulleako amminawang kamma-kamma anne, mange ri tampa' laKumangeia. Ri bokopako lamminawang sallang.”

YOHANES 13:6

Anrapi'mi ri Simon Petrus. Nakanamo Simon Petrus, “Batara, masakang iKatte ambissaianga' bangkengku?”

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.