YOHANES 11:44 - KITTA' MATANGKASA'

⁴⁴ Apaji, nassulu' tojemmo anjo tau matea. Ta'roko' iji kaeng kebo' limanna siagang bangkenna, siagang natongko' iji kaeng rupanna. Nakanamo Isa ri tau niaka anjoreng, “La'gasi anjo kaeng pa'roko'na, sollanna akkulle laloasa a'jappa.”

YOHANES 11:44 Iomraidhean Croise

PA'JARIANG 1:3

Nakanamo Allata'ala, “A'jariko singaraka!” Nampa nia'mo singaraka.

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

MARKUS 5:43

Mingka Napisangkai dudumi Isa ke'nanga ampappiassengangi anjo kajarianga manna pole ri nai. Nampa Nakana Isa, “Sarei kanre anjo anaka.”

LUKAS 19:20

Le'baki anjo battu tommi palayang maraenga pole, na nakana, ‘O, karaeng, anne doetta; kuboliki lalang ri passapungku.

LUKAS 7:15

Ambangummi ammempo anjo turungka le'bakamo mate, nappakkaramulamo a'bicara. Nampa Napassareang Isa anjo ana' bura'nea mae ri amma'na.

YOHANES 10:30

INakke siagang Manggea se'rejA'.”

YOHANES 11:39

Nakanamo Isa, “Palesangi anjo batua.” Appialimi Marta, iamintu sari'battanna anjo tau matea, nakana, “Mingka patangallomi le'ba'na nitarawang, Batara. Tantu a'rasa botto'mi!”

YOHANES 11:43

Le'baki akkana kamma Isa, akkio' lompomi Nakana, “Lazarus, assulukko mae!”

YOHANES 19:40

Sipa'rua-ruami anjo taua angngallei maya'Na Isa, nampa naroko' kaeng anjo mayaka, napasiroko' siagang anjo campurang minynya'-minynya' bauka, situru' ada' panguburanna tu Yahudia.

YOHANES 20:5

Attoa'mi antama' ri jeraka nanacini' kaeng pa'rokoka ta'dongko' lalang ri jeraka; mingka tantamayai.

YOHANES 20:7

Mingka kaeng nipasikkoka ri ulunNa Isa tambaniai anjoreng passangalinna tassa'laki pammantanganna, ta'lappa' baji'-baji'.

YOHANES 5:21

Anjo Manggea ampabangungi tau matea naNasare ke'nanga katallassang sitojennaya siagang mannannunganga; kammayatompa anjo Anaka assarei katallassang mannannungang tau eroka Nasare katallassang.

YOHANES 5:25

Patappaki angkanaya: Lanarapiki wattunna – ba'lalo narapi'mi wattunna – nalangngere' tau matea sa'ranNa Ana'Na Allata'ala. Na inai-nai allangngereki sa'ranNa, iami lattallasa'.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.