YOHANES 11:41 - KITTA' MATANGKASA'

⁴¹ Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

YOHANES 11:41 Iomraidhean Croise

PAMMUJI 123:1

Kelong siara. Acconga' a'dalle' nai' mae ri Katte o, Batara ammarentaya ri suruga.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

MATIUS 11:26

Iaminjo ampakasannangi atinTa.”

MATIUS 27:60

Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

MARKUS 15:46

Ammallimi Yusuf kaeng lenang alusuka, lanapareka pa'roko' maya'Na Isa. Le'baki anjo naerammi maya'Na Isa, na napantama' ri jera' batu a'bontoa. Nampa natongko' batu lompo anjo jeraka.

LUKAS 10:21

Anjo wattua rannumi nyawaNa Isa lanri nipantamakki ri RohNa Allata'ala. Nakanamo Isa ri ManggeNa, “O ManggeKu, Batarana langika siagang buttaya! Appala' sukkurukKa' ri Katte, lanri Kicokkoangi anne rahasiaya mae ri tau cara'deka siagang tau niaka pangngissenganna. Mingka Kipappiassengangi mae ri tau tenaya sikolana. Iaminjo Kikarannuanga ri atinTa.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

LUKAS 24:2

Battui ke'nanga ri jeraka, nacini'mi ke'nanga le'ba' ta'gulung anjo batu pattongko'na jeraka.

YOHANES 11:22

Mingka manna nakamma, kuassengi angkanaya manna ri kamma-kammaya anne manna pole apa Kipala' ri Allata'ala tena taNasareTa.”

YOHANES 17:1

Le'baki akkana kamma, accongami Isa nai' ri langika nampa Nakana, “Bapa', kamma-kamma anne narapi'mi wattunna. Kipakala'biri'mi AnatTa, sollanna Napakala'biri' tongKi' AnatTa.

YOHANES 20:1

Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.

LAMPA-LAMPANA 7:55

Mingka anjo Stefanus nikoasaimi ri RohNa Allata'ala, naccongamo nai' ri langika. Nacini'mi kala'biranNa Allata'ala, siagang nia'mi nacini' Isa ammenteng ri tampa' kakoasanNa, iamintu ri sa'ri kananNa Allata'ala.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.