YOHANES 10:8 - KITTA' MATANGKASA'

⁸ Sikamma tau battua rioloangangKu sangnging palukka' siagang paella'; mingka tanapilangngeriai gimbalaka sa'ranna ke'nanga.

YOHANES 10:8 Iomraidhean Croise

YEREMIA 23:1

Nakana Karaeng Allata'alana Israel, “Cilakako he ikau sikamma pamimping ampanrakiai siagang ampasisa'la'-sa'lakai ummakKu! Ikau ngaseng mustina nuparakai ummakKu, mingka tena nanugaukangi kammaya; nubalang parekangi tassiara', lari. Kamma-kamma anne laKuhukkungko lanri kaja'dallannu.

YEHEZKIEL 34:2

“He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

ZAKHARIA 11:16

Nasaba' nia' sitau pakalawaki laKusuro untu' anjagai sikamma gimbalakKu, mingka tena najampangi gimbala' tappelaka; tena naboyai gimbala' sala oloanga, tena todong naballei gimbala' bokkaka, kammayatompa tena nasarei kanre gimbala' attallasaka ija. Ba'lalo ia kalenna angkanrei dagenna gimbala' kaminang co'moka siagang nabi'buki sikamma kanukunna anjo olo'-oloka.

YOHANES 10:1

“Annaba tojengi anne kanangKu: Inai-nai antama' ri baraya natena nanjoreng ri timunganna baraya antama', mingka anjorengi ri kalli' sa'rinna baraya, yareka angngambiki ri oloang maraenga, iaminjo taua pallukka' siagang paella'.

YOHANES 10:27

GimbalakKu napilangngeri sa'rangKu. Kuassengi ke'nanga, namminawangi ke'nanga ri Nakke.

YOHANES 10:5

Talaerokai ke'nanga amminawang ri tau maraenga; ba'lalo lanapilari anjo taua, lanri tanaassengai sa'ranna.”

LAMPA-LAMPANA 5:36

Nasaba' riolo le'baki nia' tau niarenga Teudas, nakanaya kalenna tumalompo, sa'genna kira-kira nia' patambilangngang tau amminawang ri ia. Mingka mate nibunomi, siagang tassia'-siara'mi sikamma tau amminawanga ri ia, sa'genna lanynya' kale-kale anjo kumpulanna.