YOHANES 10:13 - KITTA' MATANGKASA'

¹³ Lari anjo tungnganre gajia, nasaba' untu' passawallanji bawang nakkalawaki. Tena najampangi anjo gimbalaka.

YOHANES 10:13 Iomraidhean Croise

YOHANES 10:12

Pakanre gajia, teai pakalawaki, teai tongi patanna gimbala'; jari lanapilari anjo gimbalaka punna nia' kongkong romang nacini' battu. Lanikokko'mi siagang lanipasisa'la'-sa'la'mi anjo gimbalaka ri anjo kongkong romanga.

YOHANES 10:14

INakkemi pakalawaki bajika. Sangkamma NaassengKu Manggea na Kuasseng todong Manggea, sangkamma tomminjo Kuassenna gimbalakKu ngaseng, na naasseng tongA' ke'nanga. Kupassareangi nyawaKu sollanna attallasa' ke'nanga.

YOHANES 12:6

Nakkana kamma anjo Yudas, teai lanri nakamaseanna tu kasi-asia, passangalinna nasaba' palukkaki. Biasai naalle doe' nibolika, nipappirannuanga ri ia niboli'.

LAMPA-LAMPANA 18:17

Jari a'gilimmi ke'nanga anjakkalaki Sostenes, iamintu kapalana anjo balla' sambayanga, nampa naba'ji ri dallekanna mejang pangadelanga. Mingka tena sikali najampangi Galio anjo apa nagaukanga ke'nanga.

1 KORINTUS 7:32

Kukellaiko ta'lappasa' ngaseng battu ri kasusaanga. Tau tenaya bainenna akkullei napasse're pikkiranna mae ri apa-apa Nakaerokia Batara, sollanna akkulle napakasannang pa'mai'Na Batara.

1 KORINTUS 7:33

Mingka tau niakamo bainenna jaiangammi anne pakkalinoanga napikkiri', lanri ero'na napakasannang nyawana bainenna;

FILIPI 2:20

Timotius bawang tau niaka anrinni assangkamma nyawaku, attojeng-tojenga annawa-nawai kate'neannu.